Basta — Page 173

4 Khaime mein yan tarapti thi wo sokhta-jigar Sab bibiyan bhi mahw-e-buka thin barahna-sar Niklin jo be-hawas idhar se wo nauhagar Aaye udhar se lash liye Shah-e-bahr-o-bar Dekha lahu rawan jo tan-e-pash-pash se Syedaniyan lipat gayin Akbar ki lash se

[Makhaz: Pahunche pisar ki lash pe jab Shah-e-bahr-o-bar] Chhutna jo Shah se piri mein naujawan farzand 1 Chhuta jo Shah se piri mein naujawan farzand Husain-o-khush-qad-o-khush-ru khush-bayan farzand Saeed-o-Abid-o-zi-jah-o-rutba-dan farzand Pidar ke tan ki tawan sare ghar ki jaan farzand Bahar jis ki na dekhi khizan wo bagh hua Qiyamat aa gayi ghar Shah ka be-chiragh hua 2 Badan se jaan chali jism thartharane laga Pina aa gaya ji Shah ka sansanane laga Pisar jahan se chala tan se zor jane laga Chale jo ran ko to har gam par ghash aane laga Kabhi uthe to kabhi kar ke aah baith gaye Jigar mein dard ye utha ke Shah baith gaye 3 Thama jo dard pukare ke haye haye pisar Hazar haif jiyen hum, jahan se jaye pisar Ye kya ke hum talak aati nahin sada-e-pisar Pidar ki zist kahan jab nazar na aaye pisar Pisar ke dagh ne khanjar gale pe phera hai Chiragh jis mein na hue wo ghar andhera hai