Basta — Page 189

4 Kaha Husain ne pani tumhein pila layen Chalo ge Nana ki ummat ke pas le jayen Sitamgaron ko ye halat tumhari dikhlayen Saghir jaan ke shayad adu taras khayen Dahan ko khol ke sukhi zaban dikha dena Ke tin roz se pyasa hun ye jata dena 5 Gharz wida kiya aur Shah-e-Imam chale Sitamgaron ki taraf Shah-e-tishna-kam chale Pisar ko hathon pe rakhe hue Imam chale Qadam qadam pe udhar maut ke payam chale Tamam pyason mein pyara jo tha ye pisar Husain dhal se saya kiye the Asghar par 6 Pare se fauj ke naagaah Hurmalaa nikla kamaan dosh se, chille se teer le ke chala Gulue lakht-e-dil-e-Shah-e-Karbala taaka Kaman mein teer ko jora shaqi ne aur ye kaha Husain! ab wo pilata hun aab-e-sard in ko Ke ta-ba-hashr lagegi na pyas kamsin ko 7 Ye keh ke tir ko jora, idhar ye hal hua Ke halq chhid gaya, masum khun mein lal hua Dahan se khun ugalne laga, nidhal hua Ek aah man ki, aur intiqal hua Pidar ne pyas se tasalli jaan ko dekha Kabhi zamin ko, kabhi asman ko dekha

Syed Hashim Raza Jis Jis ko chun lia wo bana fakhr-e-auliya kia wasf ho husain ke is intikhab ka Doctor Karbalai Pursa Shah-e-wala ka Zahra ko diya jaye Sab chak-gareban hon, matam bhi kiya jaye Shohrat Balgrami Qaid-khana mein Sakina ka intiqal ho gaya Ab tere qatl-khana ki zinat raha ho jayegi