Basta — Page 234

Jabke paband-e-salasil hue bole Sajjad 1 Jabke paband-e-salasil hue bole Sajjad Sabr wo de mujhe ay Khaliq-e-kul, Rabb-ul-Ibad Na rukin paon jo kanton pe chalayen jallad Taziyane maren na karun main faryad Ummat-e-jad se imamat ka sila pana hai Nange sar Kufe mein man bahnon ko le jana hai 2 Keh ke ye tauq ko gardan mein sambhala ek bar Aage aage chala pakre hue unton ki mahar Pichhe Syedaniyan sar khole hue zar-o-qatar Aage sar, Syed-e-Mazlum ke neze pe sawar Nok-e-neza se ye aati thi sada-e-maghmum Haye be-pardagi-e-Zainab-o-Umm-e-Kulsum 3 Algharz pahuncha ye qafila nazd-e-darya Dekha ek sher hai be-dast tarai mein para Ro ke chillaye ke ammu, teri ghurbat pe fida Haye shane bhi kate aur na pani paya Tazkira Ahl-e-Wafa tera karenge ammu Bawafa tum ko zamane mein kahenge ammu 4 Nagahan lasha-e-Sarwar ne sada di us dam Sakht manzil hai, tujhe sabr de Rabb-e-Akram Dhyan bewaon ka rahe qaid mein beta har dam Mere bimar tere sath hi chalte hain hum Shimr-e-zalim se Sakina ko bachana beta Meri nadan ko sine se lagana beta Jabke paband-e-salasil hue bole Sajjad (Amir Rizvi Cholsi)