Basta — page 240 | Kalam Archive

View

Text sizeLine spacing

Original scan of Basta page 240 — Original book page

Roman Urdu

Urdu text

Jab Haram qila-e-Shirin ke barabar aaye 1 Jab Haram qila-e-Shirin ke barabar aaye Ghul hua ke Shah-e-Maula ma-lashkar aaye Kaha Shirin ne ke asbab-e-dilbar aaye Mere Maula, mere Sultan, mere Sarwar aaye Nur-e-Haq, shan-e-Khuda, qudrat-e-Bari dekho Jao logo, mere Aqa ki sawari dekho 2 Jin se roshan hai Madina, wo qamar aate hain Jin ka maidan-e-Najaf mein wo ghar aate hain Jis ke ghar Arsh pe hain, wo mere ghar aate hain Ye khabar us ko na thi nezon pe sar aate hain Keh rahi thi ke chiragh-e-Haram aata hai Ay Musalmano, mubarak ho Husain aata hai 3 Tha khayal us ko jo chaugird to yawar honge Bich mein lashkar-e-Islam ke Sarwar honge Ghoron par naqa-e-Zainab ke barabar honge Parda-e-mahmal sambhale Ali Akbar honge Wan na mahmal thi na hashmat thi, na zebai thi Sar-e-Shabbir ke hamrah bahen aai thi 4 Nagahan rah mein hua shor-e-matam Sun ke munh faq hua dil hil gaye tharraye qadam Dekhne ko jo gaye the hasham-e-Shah-e-Umam Wo zan-o-mard phire khak urate baham Sakht be-chain hui talib-e-aram-e-Husain Dil par angusht-e-shahadat pe likha naam-e-Husain 5 Ek aurat ne ye bahar se nida di nagah Haye Shirin tere arman mile khak mein aah Ghar ka ghar ho gaya Khatun-e-Qiyamat ka tabah Waris-e-Aal-e-Nabi mar gaya, Inna lillah Hum ziyarat ko gaye the ke ye mahshar dekha Haif sad haif ke Zainab ko khule sar dekha 6 Be-tahasha wo kehti hui dauri bahar Khak munh mein tere kis munh se ye deti hai khabar Kaun Zainab jise aai hai tu nange sar Wo pukari ke Husain Ibn-e-Ali ki khwahar Ek faqat main hi nahin dekh ke sab aaye hain Risman bandh ke shanon mein adu laye hain

جب حرم قلعۂ شیریں کے برابر آئے ۱ جب حرم قلعہِ شیریں کے برابر آئے غل ہُوا کہ شہِ مولا مع لشکر آئے کہا شیریں نے کہ اسبابِ دل بر آئے میرے مولا، مرے سلطان، مرے سرور آئے نورِ حق، شانِ خدا، قدرتِ باری دیکھو جاؤ لوگو، مرے آقا کی سواری دیکھو ۲ جن سے روشن ہے مدینہ، وہ قمر آتے ہیں جن کا میدانِ نجف میں وہ گھر آتے ہیں جس کے گھر عرش پہ ہیں، وہ مرے گھر آتے ہیں یہ خبر اس کو نہ تھی نیزوں پہ سر آتے ہیں کہہ رہی تھی کہ چراغِ حرم آتا ہے اے مسلمانو، مبارک ہو حسینؑ آتا ہے ۳ تھا خیال اُس کو جو چو گرد تو یاور ہوں گے بیچ میں لشکرِ اسلام کے سرورؑ ہوں گے گھوڑوں پَر ناقہ زینبؑ کے برابر ہوں گے پردہِ محمل سنبھالے علی اکبرؑ ہوں گے واں نہ محمل تھی نہ حشمت تھی، نہ زیبائی تھی سَرِ شبیرؑ کے ہمراہ بہن آئی تھی ۴ ناگہاں راہ میں ہُوا شورِ ماتم سُن کے منہ فق ہوا دل ہل گئے تھرائے قدم دیکھنے کو جو گئے تھے حشمِ شاہِ اُمم وہ زن و مرد پھرے خاک اڑاتے باہم سخت بے چین ہوئی طالبِ آرامِ حسینؑ دل پَر انگشتِ شہادت پہ لکھا نامِ حسینؑ ۵ اک عورت نے یہ باہر سے ندا دی ناگاہ ہائے شیریں ترے ارمان ملے خاک میں آہ گھر کا گھر ہو گیا خاتون قیامت کا تباہ وارثِ آلِ نبیؐ مر گیا انا للہ ہم زیارت کو گئے تھے کہ یہ محشر دیکھا حیف صد حیف کہ زینبؑ کو کھلے سَر دیکھا ۶ بے تاشہ وہ کہتی ہوئی دوڑی باہر خاک منہ میں ترے کس منہ سے یہ دیتی ہے خبر کون زینبؑ جسے آئی ہے تُو ننگے سَر وہ پکاری کہ حسینؑ ابنِ علیؑ کی خواہر اک فقط میں ہی نہیں دیکھ کے سب آئے ہیں ریسمان باندھ کے شانوں میں عدو لائے ہیں