Basta — Page 256

Main bhi to Bint-e-Fatima hun sharm aayegi 1 Qaid-khane mein Sakina ko jo lai taqdir Ro ro kehne lagi hai mere Baba Shabbir Kyun nahin lete khabar aaj hui hain asir Aao ab meri tumhari hai mulaqat-e-akhir Nisf-e-shab tak bhi yahan jina hai dushwar mera Dekho ab aan ke bas aakhri didar mera 2 Hath ab malte hon aur hath nahin aate tum Jaan jati hai meri aur nahin aa jate tum Kya khata meri jo tashrif nahin late tum Qaidiyon ko bhi qaid se chhurwate tum Kis se dukh hum kahen basti hai sitamgaron ki Koi sunta nahin faryad gunahgaron ki 3 Kehti thi Banu se ro ro ke kahan hai Baba Pas un ke mujhe bhijwa do kahan hain Baba Mere aram hain Baba, meri jaan hain Baba Kyun meri ankhon se is waqt nihan hain Baba Kyun Sakina se juda hone ki tadbir hui Kya gunah mujh se hua kaun si taqsir hui 4 Banu godi mein lita kar lori dene lagi Aur thapak kar kehne lagi wo nasibon phuti So meri ladli so meri qaidi bachchi So meri tishna-jigar so meri bhuki pyasi So ja ay furqat-e-Shabbir mein rone wali So meri Shah ki aghosh mein sone wali 5 Thi jo jagi hui bachchi wo kai raton ki So gayi khwab mein, Baba ki nazar shakl pari Dekhte hi wo unhein khwab mein qadmon pe giri Shah ne godi mein uthaya to yahi kehne lagi [Ek misra juzwi taur par ghair wazeh] Sadqe main aur meri jaan bhi tum par Baba 6 Khub pani meri khatir gaye lene ghar se Mujh pe kya kya hua is arse mein aur tum na phire Shah ne gham ke lab sine se lipta ke use Kaha ay jaan meri, tujh pe ye Baba sadqe Jo sitam mujh pe hua kya tujhe taqrir karun Tu bhi dilgir hai, ab kya tujhe dilgir karun