Basta — page 291 | Kalam Archive

View

Text sizeLine spacing

Original scan of Basta page 291 — Original book page

Roman Urdu

Urdu text

Ikkiswin (21) ki rat qayamat ki rat thi 1 Ikkiswin ki rat qayamat ki rat thi Sadat par bala ki musibat ki rat thi Mahshar ki subh thi ke shahadat ki rat thi Beton se Bu Turab ki rukhsat ki rat thi Kehte the dil do nim hai aisa khatar hai aaj Be-zad-e-rah khalq se apna safar hai aaj 2 Shabbir mere yatimon ko shafqat se paliyo Tum apne Nana jaan ke ghar ko sambhaliyo Shabbir par bala koi aaye to taliyo Dekho kari nigah bhi is par na daliyo Is ka lihaz chahiye tum ko ke khurd hai Beta mera Husain tumhare supurd hai 3 Ay mere jaan-nashin mere dildar alwida Ay nur-e-ain Ahmad-e-Mukhtar alwida Ay Nabi tumhein Rasul ki sarkar alwida Ay ummat-e-Rasul ke ghamkhwar alwida Shabbar jo mere dost hain un sab se hoshiyar Mazlum-e-Karbala meri Zainab se hoshiyar 4 Gham par gaya ke Syed-e-Abrar mar gaye Lo jaan-nashin-e-Ahmad-e-Mukhtar mar gaye Dushman-e-Rasul-e-Pak ke sardar mar gaye Matam karo ke Haider-e-Karrar mar gaye Roin jo bibiyan to sar pitne lagin Abbas nanhe hathon se sar pitne lage 5 Ye keh ke gham se jaan jo hone laga taghayyur Bistar pe aakhir ke baith gaye Shah-e-dilgir Bole Husain se ye Imam-e-falak-sair Beta bara alam hai ke Abbas hai saghir Ab aap ke supurd mera ladla Imam hai Bhai na janiyo, ye tumhara ghulam hai 6 Kyun kar bayan kijiye wo hashr ka saman Bete idhar tarapte the, us samt bibiyan Har su kahin buka, kahin shewan, kahin fughan Bikhra ke bal Zainab-e-muztar ka ye bayan Baba akhir-e-shab mein tumhein kidhar kiya Hai hai Mah-e-Siyam mein azm-e-safar kiya

اکیسویں (۲۱) کی رات قیامت کی رات تھی ۱ اکیسویں کی رات قیامت کی رات تھی سادات پَر بلا کی مصیبت کی رات تھی محشر کی صبح تھی کہ شہادت کی رات تھی بیٹوں سے بوترابؑ کی رخصت کی رات تھی کہتے تھے دل دو نیم ہے ایسا خطر ہے آج بے زادِ راہ خلق سے اپنا سفر ہے آج ۲ شبیرؑ مرے یتیموں کو شفقت سے پالیو تم اپنے نانا جان کے گھر کو سنبھالیو شبیرؑ پَر بلا کوئی آئے تو ٹالیو دیکھو کڑی نگاہ بھی اِس پَر نہ ڈالیو اِس کا لحاظ چاہیئے تم کو کہ خُرد ہے بیٹا مرا حسینؑ تمہارے سپرد ہے ۳ اے میرے جانشین مرے دلدار الوداع اے نورِ عین احمدِ مختار الوداع اے نبیؐ تمہیں رسولؐ کی سرکار الوداع اے امتِ رسولؐ کے غمخوار الوداع شبرؑ جو میرے دوست ہیں ان سب سے ہوشیار مظلومِ کربلا مری زینبؑ سے ہوشیار ۴ غم پڑ گیا کہ سیدِ ابرار مر گئے لو جانشینِ احمدِ مختار مر گئے دشمنِ رسولِ پاک کے سردار مر گئے ماتم کرو کہ حیدرِ کرار مر گئے روئیں جو بیبیاں تو سر پیٹنے لگیں عباسؑ ننھے ہاتھوں سے سر پیٹنے لگے ۵ یہ کہہ کے غم سے جان جو ہونے لگا تغیر بستر پہ آخر کے بیٹھ گئے شاہِ دلگیر بولے حسینؑ سے یہ امامِ فلک سیر بیٹا بڑا الم ہے کہ عباسؑ ہے صغیر اب آپ کے سپرد مرا لاڈلا امام ہے بھائی نہ جانيو، یہ تمہارا غلام ہے ۶ کیوں کر بیان کیجئے وہ حشر کا سماں بیٹے ادھر تڑپتے تھے، اُس سمت بیبیاں ہر سو کہیں بکا، کہیں شیون، کہیں فغاں بکھرا کے بال زینبؑ مضطر کا یہ بیاں بابا اخیر شب میں تمہیں کدھر کیا ہے ہے مہِ صیام میں عزمِ سفر کیا