Basta — Page 299

4 Nabi ki beti ko rakha khafa ye ajr diya Ali ko sajde mein zakhmi kiya ye ajr diya Hasan ko zahr-e-halahal diya ye ajr diya Husain zabh hue be-khata, ye ajr diya Nabi ka hashr ke din jab samna hoga Jhukao sar ko gareban mein dekho kya hoga Kafan pehna ke jo Shabbar ko le chale Shabbir Nasim Lakhnavi

Han dosto ye waqt hai andoh-o-mihan ka 1 Han dosto ye waqt hai andoh-o-mihan ka Matam hai jigar-band-e-Shah-e-Qila-shikan ka Zahra ne kiya chak-e-gareban, kafan ka Sar khol do ab uthta hai tabut-e-Hasan ka Haider bhi buka karte hain Zahra-o-Nabi bhi Abbas bhi rote hain Husain Ibn-e-Ali bhi 2 Hamshir ne sar pit ke ye shor machaya Main kya karun logo mujhe qismat ne sataya Be-rahmo ne bhaiya ko mere zahr pilaya Kis tarah bachega Asadullah ka jaya Bas ho gaya malum ke saman hain safar ke Dekho to lagan bhar gaya tukron se jigar ke 3 Shabbir tarapne lage dastar patak kar Nazdik tha dam tan se nikal jaye pharak kar Bahnein jo baradar ke liye roin bilak kar Nale the ke sinon pe giri barq karak kar Zainab ka ye nauha tha ke ye kya hua logo Mit jaya mera be-kas-o-tanha hua logo