Basta — Page 307

3 Madar-e-Jafar-e-Sadiq thin bikhre hue bal Bain karti thin, tarap kar Haram-e-nek-khisal Bibiyan deti thin har su dam-e-ranj-o-malal Rote the wo jinhein Ashura ka malum tha hal Pisar jo dete wo maqtal mein pyase sote the Tifl tak siliyon ke dar se nahin rote the 4 Dafn kar ke jo Baqi se phire Ahl-e-Aza Marqad-e-Hazrat Baqir se utha shor-e-buka Ro ke ye keh ke gaye mil ke Shabbir-o-bala Mere Asghar ke bhatije teri gardan pe fida Asar-e-zulm gale se ye ayan hai ab tak Rasan-e-zulm se chhilne ka nishan hai ab tak

Qaul-e-Sadiq hai sunen dil se ghulaman-e-Husain 1 Qaul-e-Sadiq hai sunen dil se ghulaman-e-Husain Jo bhi gham mein mere Dada ke kare shewan-o-shain Ya rulane ko parhe hal-e-Imam-e-Kaunain Ya ho surat se ye izhar ke dil hai be-chain Ajr-e-irfan-e-imamat ba-yaqin bakhsenge Mere Nana use Firdaus-e-Barin bakhsenge 2 Is riwayat ka muhibbon mein hua jab charcha Ja baja hone lagi Majlis-e-Shabbir bapa Apni kafshon ko jahan chhorte the Ahl-e-Aza Baith jate the wahan chupke se aa kar Maula Barha dekhe gaye bazm mein ghamkhwaron ki Saf karte hue nalain, azadaron ki 3 In majalis ke jo Mansur ko pahunche akhbar Jazba-e-qatl-e-Shah-e-Pak hua, phir bedar Talab agar aap the ek hujre mein aur chand Ansar Aag lagwa di wahan charon taraf se ek bar Par gaya ghul, phir Sahib-e-Meraj chala Haye ghar-e-Fatima teri bar aaj chala