Basta — page 315 | Kalam Archive

View

Text sizeLine spacing

Original scan of Basta page 315 — Original book page

Roman Urdu

Urdu text

7 Shab-e-Ashur thi, wo farz thi shab-bedari Tha kabhi pyason ka matam, kabhi zikr-e-Bari Yaad-e-Mazlum mein wo raat basar ki sari Subh jab suye falak ankh utha ke dekha [Ek misra juzwi taur par ghair wazeh] 8 Is qadar roye ke ashkon se musalla hua tar Karbalai ke khayal aate rahe phir din bhar Al-atash kehti hai wo char baras ki dukhtar Jaan-ba-lab pyas se phule mein hai Saqqa-e-safar Yaad-e-Asghar mein jo kha kha ke pachharen roye Ro diye ghair bhi jab mar ke dharen roye 9 Kaun zindan mein apna tha jo un ko rota Be-kasi lash-e-Mazlum pe karti thi buka uth Masum to Firdaus mein the mahv-e-aza-e aza Ek Bibi ki yahan aati thi pur-dard sada Lash par rone ko beta, na koi bhai hai Haye bachche, tujhe ghurbat mein ajal aai hai

۷ شبِ عاشور تھی، وہ فرض تھی شب بیداری تھا کبھی پیاسوں کا ماتم، کبھی ذکرِ باری یادِ مظلوم میں وہ رات بسر کی ساری صبح جب سوئے فلک آنکھ اٹھا کے دیکھا [ایک مصرع جزوی طور پر غیر واضح] ۸ اس قدر روئے کہ اشکوں سے مصلی ہوا تر کربلائی کے خیال آتے رہے پھر دن بھر العطش کہتی ہے وہ چار برس کی دختر جان بلب پیاس سے پھولے میں ہے سقائے سفر یادِ اصغرؑ میں جو کھا کھا کے پچھاڑیں روئے رو دیئے غیر بھی جب مار کے دھاڑیں روئے ۹ کون زندان میں اپنا تھا جو ان کو روتا بے کسی لاشِ مظلوم پہ کرتی تھی بکا اٹھ معصوم تو فردوس میں تھے محوِ عزا ایک بی بی کی یہاں آتی تھی پُردرد صدا لاش پر رونے کو بیٹا، نہ کوئی بھائی ہے ہائے بچے، تجھے غربت میں اجل آئی ہے

Kaun sa zulm tha jo Maula Naqi ne na saha 1 Kaun sa zulm tha jo Maula Naqi ne na saha Bad-dua dil mein [ghair wazeh] ko kiya Ek dil-sang Khalifa ne magar kya Haye Mazlum ko pani na diya, zahr diya Yas is dam koi hamdard na shaidai tha Be-kasi mein ajab alam-e-tanhai tha 2 Askari rote the zanu pe rakhe bap ka sar Bahr-e-imdad baradar tha na koi khwahar Karbala aise mein aa jati thi jab pesh-e-nazar Dil se aati thi ye awaz, wo jangal tha magar Gor mein farq-e-manzar hai yahan Baba ka Tha wahan chalti hui ret, ye sar-e-Dada ka 3 Yan abhi main ne pilaya tha pidar ko pani Tin din se wahan pyasa tha Nabi ka jani Yan mayassar hai kafan, dafn mein hai asani Haye be-gor-o-kafan lash wahan uryani Para-e-dil se yahan ashk bahane ke liye Wan tha bimar par qaid mein jane ke liye

کون سا ظلم تھا جو مولا نقیؑ نے نہ سہا ۱ کون سا ظلم تھا جو مولا نقیؑ نے نہ سہا بد دعا دل میں [غیر واضح] کو کیا ایک دل سنگ خلیفہ نے مگر کیا ہائے مظلوم کو پانی نہ دیا، زہر دیا یاس اس دم کوئی ہمدرد نہ شیدائی تھا بے کسی میں عجب عالمِ تنہائی تھا ۲ عسکریؑ روتے تھے زانو پہ رکھے باپ کا سر بہرِ امداد برادر تھا نہ کوئی خواہر کربلا ایسے میں آ جاتی تھی جب پیشِ نظر دل سے آتی تھی یہ آواز، وہ جنگل تھا مگر گور میں فرقِ منظر ہے یہاں بابا کا تھا وہاں چلتی ہوئی ریت، یہ سرِ دادا کا ۳ یاں ابھی میں نے پلایا تھا پدر کو پانی تین دن سے وہاں پیاسا تھا نبیؐ کا جانی یاں میسر ہے کفن، دفن میں ہے آسانی ہائے بے گور و کفن لاش وہاں عریانی پارۂ دل سے یہاں اشک بہانے کے لئے واں تھا بیمار پر قید میں جانے کے لئے