Basta — Page 325

Jaan-e-Nabi-o-khassa-e-Dawar hai Fatima 1 Jaan-e-Nabi-o-khassa-e-Dawar hai Fatima Kuchh shak nahin Shafi-e-Mahshar hai Fatima Salatin-e-zi-waqar ki madar hai Fatima Afsos aaj be-kas-o-be-par hai Fatima Jannat mein chain hoyega kyun kar Rasul ko Tora hai mujrimun ne mazar-e-Batul ko 2 Ay momino ajab hai Zahra ka majra Shawwal ki thi ath jo mahshar bapa hua Aada ne dhai jab Jannat-e-Baqi Mustafa Hairat hai kyun zamin pe na asman gira Ya Rab Ilah jald ab un par azab ho Be-din qaum-e-Najd ka khana kharab ho 3 Zinda rahin to bap ko rone nahin diya Mahrum jah-e-Muhammad se kar diya Darwaza ko giraya to Mohsin ne ki qaza Pahlu shikast ho gaya, zulm aisa kiya Rahat na di hayat mein Bint-e-Rasul ko Mismar aaj kar qabr-e Batul ko 4 Kya zulm kar gaye ke nahin jis ki intiha Qabron ko torna, qabron ko mismar kar diya Allah Ahl-e-Bait se kya un ko bughz tha Marne ke baad bhi ye sitam wa musibata Ya Rab gira de Najdiyon par asman ko Dikhla qahr apna to Ahl-e jahan ko 5 Zinda rahin to dukh mein hamesha hui basar Zahra ne chain paya na duniya mein ek pahar Baad-e-Rasul jhel gayin apni jaan par Ummat se taklif hue kahan se kya safar Ki gayi ye Fatima ne wasiyat Imam se Dafn shab mein mujh ko chhupa kar awam se 6 Qabron bhi tum ne banain Ali ne kisi jagah Thi is mein maslahat bari, shak nahin baja Bint-e-Rasul-e-Pak ko aada se khauf tha Yani na dhayen lain qabr-e-Sayyida Afsos is ka hai ke ye Najdi na mar gaye Is waqt jo na hua, wo aaj kar gaye