Basta — Page 392

Husainiyat ki baqa the Janab Zaid Shahid Syed Sibt Jafar Zaidi Husainiyat ki baqa the Janab Zaid Shahid Yazidiyat ki fana the Janab Zaid Shahid Qadam qadam pe jo Sajjad ne kiye sajde Inhi ki ek jaza the Janab Zaid Shahid Imam Jafar Sadiq ke aap the mamduh Na sirf ye ke chacha the Janab Zaid Shahid Agarche aap nahin the maqam-e-ismat par Magar baid-e-khata the Janab Zaid Shahid Hai nasl-e-Syed Sajjad un se bhi mansub Sharaf ye jis ko mila the Janab Zaid Shahid Imam Jafar Sadiq se ja ke puchho to Wohi batayenge kya the Janab Zaid Shahid Shahadat aap ne pai agarche baad-e-Husain Shahid-e-Karb-o-bala the Janab Zaid Shahid Khiraj-e-khun-e-shahidan-e-Karbala ka hukm Buland jis ne kiya the Janab Zaid Shahid Is intiqam pe duniya ko kyun shikayat hai Ke Waris-e-shuhada the Janab Zaid Shahid jis inqilab-e-Iran ke hain Mir-e karwan qaim Isi ki bang-e-dara the Janab Zaid Shahid Banu Umayya larazte the naam se un ke Ghazab ke kard-e-Khuda the Janab Zaid Shahid Wo jis maqam pe utre hon Musa ke Wahan bhi jalwa-numa the Janab Zaid Shahid Ek aisa waqt bhi Zaid Shahid par aaya Miyan-e-arz-o-sama the Janab Zaid Shahid Jala ke rakh banaya, pe roshni na gayi Chiragh-e-Haq ki ziya the Janab Zaid Shahid Shahid hote rahe yun to is gharane mein Laqab hi yakta hua, the Janab Zaid Shahid Hai sare Zaidiyon ko Sibt Jafar is pe naz Waqar-e Aal-e Aal-e-Aba the Janab Zaid shahid