Basta — Page 413

Unsur-e-khulq-o-murawwat se hai khilqat man ki Payam Azmi Unsur-e-khulq-o-murawwat se hai khilqat man ki Hai muhabbat jo koi shai to muhabbat man ki Zindagi deti hai insan ko shafqat man ki Bap se barh ke hai duniya ko zarurat man ki Zinat-e-Isa ko mili bap ke ehsan ke baghair Dahr mein koi bhi paida na hua man ke baghair Roshni deta hai jo khud bhi ziya mangta hai Har bashar qimat-o-ikram-o-ata mangta hai Apne mauqe pe har ek ajr-e-wafa mangta hai Jo bhi hai apni muhabbat ka sila mangta hai Pyar sab karte hain duniya mein tijarat ke liye Sirf ek man ki muhabbat hai muhabbat ke liye Mushkilein seh ke hamein dars-e-wafa deti hai Shab ke sannate mein uth uth ke dua deti hai Khun-e-dil apna ye nas nas ke pila deti hai Gosht ke lothre ko insan bana deti hai Mamta rah-e-muhabbat se thakti hi nahin Bap thak jata hai, man pyar se thakti hi nahin Man ki aghosh hai wo madrasa-e-fikr-o-nazar Pyar ke hath jahan karte hain tamir-e-bashar Fitratain aa ke jahan banti hain anwar-e-sahar Misl-e-Asma ye banati hai dilon ko gauhar Apni aulad ki taqdir badal deti hai Bap ke khun ki tasir badal deti hai