Basta — Page 432
View
Roman Urdu
Urdu text
Tum agar chaho to duniya ho abhi zer-o-zabar
Tum agar chaho to pani ho paharon ke jigar
Manne wale ho kis ke, ye to hai tum ko khabar
Apna parcham barh ke lehra do falak ke dosh par
Nakhuda ban jao, kashti dal do manjhdhar mein
Dasht ko gulshan bana do, gul khila do khar mein
Han ye sach hai waqt ke sanche mein dhal sakte ho tum
Qaum ki bigri hui qismat badal sakte ho tum
Waqt-e-mushkil, Ya Ali keh kar sambhal sakte ho tum
Rasta kya tegh ki dharon pe chal sakte ho tum
tabash-e Sakit raho hue kuchh to do aakhir jawab
Qaum ke roshan sitaro, kab banoge aftab
Ho chuke hain muzmahil aza, rawan darkar hai
Waqt kehta hai ke mukhlis rahnuma darkar hai
Nao hai tufan ki zad par, nakhuda darkar hai
Azm-o-istiqlal-e-Shah-e-Karbala darkar hai
Jurat-e-Abbas, Akbar ki jawani chahiye
Nafs ki jis se taharat ho wo pani chahiye
Behtar talim mil jul kar mitana chahiye
Qaum ke ajza ko ek markaz pe lana chahiye
Azm-e-Shabbir zamane ko dikhana chahiye
Abhi zirah-ba-kaf maidan mein aana chahiye
Dekhiye kya ho tijori ke dabaye phul do
Sanat-o-hirfat ke har su karkhane khol do
Azm ka darya bahe, mauj-e-tughyani na ho
Mauj uthe lekin mizaj-e-mauj tufani na ho
Wo banen hal-e-pareshan aur pareshani na ho
Qissa-e-gham reh na jaye, baat tulani na ho
Dasht hai Mohsin abhi dar-e-amal diye ho
Sahiban-e-zauq se dad-e-sukhan lete ho
تم اگر چاہو تو دنیا ہو ابھی زیر و زبر
تم اگر چاہو تو پانی ہو پہاڑوں کے جگر
ماننے والے ہو کس کے، یہ تو ہے تم کو خبر
اپنا پرچم بڑھ کے لہرا دو فلک کے دوش پر
ناخدا بن جاؤ، کشتی ڈال دو منجدھار میں
دشت کو گلشن بنا دو، گل کھلا دو خار میں
ہاں یہ سچ ہے وقت کے سانچے میں ڈھل سکتے ہو تم
قوم کی بگڑی ہوئی قسمت بدل سکتے ہو تم
وقتِ مشکل، یا علیؑ کہہ کر سنبھل سکتے ہو تم
راستہ کیا تیغ کی دھاروں پہ چل سکتے ہو تم
تابشِ ساکت رہو گے کچھ تو دو آخر جواب
قوم کے روشن ستارو، کب بنو گے آفتاب
ہو چکے ہیں مضمحل اعضاء رواں درکار ہے
وقت کہتا ہے کہ مخلص رہنما درکار ہے
ناؤ ہے طوفان کی زد پر، ناخدا درکار ہے
عزم و استقلالِ شاہِ کربلا درکار ہے
جرأتِ عباسؑ، اکبرؑ کی جوانی چاہیے
نفس کی جس سے طہارت ہو وہ پانی چاہیے
بہتر تعلیم مل جل کر مٹانا چاہیے
قوم کے اجزاء کو اک مرکز پہ لانا چاہیے
عزمِ شبیرؑ زمانے کو دکھانا چاہیے
ابھی زرہ بکف میدان میں آنا چاہیے
دیکھئے کیا ہو تجوری کے دبائے پھول دو
صنعت و حرفت کے ہر سو کارخانے کھول دو
عزم کا دریا بہے، موجِ طغیانی نہ ہو
موج اٹھے لیکن مزاجِ موج طوفانی نہ ہو
وہ بنیں حال پریشاں اور پریشانی نہ ہو
قصۂ غم رہ نہ جائے، بات طولانی نہ ہو
دشت ہے محسن ابھی درِ عمل دیئے ہو
صاحبانِ ذوق سے دادِ سخن لیتے ہو