Basta — Page 462

Hum ko bhula sakta hi nahin hai rah-e-mawaddat se koi Un ka hi kalima parhte rahenge, un ke tarane hi gayenge Apni hasti ishq-e-Muhammad, apni daulat hubb-e-Ali In nemat ke madd-e-muqabil har daulat ko thukrayenge Jitne [lafz ghair wazeh] zalim hain, jitne fasadi lashkar hain Un ke mazalim sun sun kar to Shimr-o-Yazid bhi sharmayenge Karb-o-bala aur Sham-o-Kufa pesh-e-nazar hain hum logon ke Zulm-o-tashaddud-o-qaid-o-salasil hausle past na kar payenge Thora muawza de ke hukumat zakhmiyon aur shahidon ka Apne tain ye samjhe hue hai zakhm hamare bhar jayenge Zinda-jawed aap ka shair Sibt Jafar ho jayega is ko bhi mil jaye lungi shahadat, aap karam jo farmaen hue

Pakistan ki bunyadon mein Sibt Jafar Pakistan ki bunyadon mein shamil apna tan-dhan Kaun the Bani Qaid-e-Azam, kaun thin Fatima Jinnah bahen Millat-e-Jafariya ke jawano, war do mulk pe jaan aur tan Raja Sahib ki daulat aur asar-o-rasukh hi kam aaya Mulk aur qaum pe apna lagaya Seth Habib ne sarmaya Tab kahin ja kar hum ne kiya hasil ye apna Pak Watan Kya apne ehsan jatayen, kis kis ke hum naam batayen Ghairon par tanqid karen kya, kya un ke hum aib batayen Apna hai paigham-e-muhabbat, aao mil kar aage chalen Kaun tha jis ne Pakistan ko "Kufristan" qarar diya tha Bani-e-Pakistan ko kis ne "Kafir-e-Azam" thehraya tha Pakistan aur Muslim League ka koi na tha hum mein dushman Nafraten paida karne wale mulk aur qaum ke dushman hain Kal the Pakistan ke dushman, aaj hamare dushman hain Wo jo rakhe aaye hain hum se kudurat aur jalan Pakistan banane walon ki aulad pe itni jafa Kitne Momin is dharti par qatl hue be-jurm-o-khata Kaise kaise mare gaye hain [misra juzwi taur par ghair wazeh] Firqa-paraston ka maslak hai dahshat-gardi aur nafrat Dahshat-gardi din hai un ka, dahshat-gardi qaumiyat Kyun na banayen apne watan ko dahshat-gardon ka madfan