Noha
اے حر جوان کا لاشہ اٹھانا مشکل ہے
Ae Hur jawaan ka laasha uthaana mushkil hai
View
Urdu
اے حر جوان کا لاشہ اٹھانا مشکل ہے
پسر کے سینے سے برچھی چھڑانا مشکل ہے
1
دلِ پَدر کی جو حالت ہے حر سمجھتا ہوں
تمھارے صبر کی لیکن میں داد دیتا ہوں
کہ جیسے تم یہاں آئے ہو آنا مشکل ہے
2
جو حال ہونا ہے قاسم کا اُس کا حال نہ ہو
کہ تیرے لال کی میت تو پائمال نہ ہو
میں جانتا ہوں کہ ٹکڑے اٹھانا مشکل ہے
3
حسین کہتے تھے رو کر یہ، حر کے بیٹے سے
سمجھ رہا ہوں اذیت، تری مرے بچے
بُریدہ حلق سے یوں مُسکرانا مشکل ہے
4
پکارا حر کا پسر رو کے اے شہِ عصمت
سلام کے لیے اٹھنے کی بھی نہیں ہمت
کہ پیاسے ہونٹوں سے مولا بلانا مشکل ہے
5
غریب باپ کا یہ امتحاں نہیں لوں گا
تمھارے لال کو کاندھوں پہ میں اٹھاؤں گا
اُٹھا کے لاش کو خیموں میں جانا مشکل ہے
6
یہ وقت کیسا ہے تم کو خبر نہیں بھائی
تمھارے ساتھ تمھاری بہن نہیں آئی
جگر کا زخم پھپھی کو دکھانا مشکل ہے
7
تمھاری زوجہ کو زینب سنبھالتی بھیا
عجیب وقت ہے ماں کو بتائیں گے اعدا
جو باپ کے لیے ماں کو بتانا مشکل ہے
8
یوں زرد چہرہ ہے جیسے کہ جاں نکلتی ہے
میں دیکھتا ہوں کمر تیری جھکتی جاتی ہے
ترے لیے یہ شہادت بھلانا مشکل ہے
9
صدائیں آتی تھیں اکبر یہ حُر کے لاشے سے
اکیلے لاشہءِ اکبر اٹھاؤ گے کیسے
کہا تھا آپ نے میت اٹھانا مشکل ہے
Roman Urdu
Ae Hur jawaan ka laasha uthaana mushkil hai
Pisar ke seene se barchhi churaana mushkil hai
1
Dil-e-padar ki jo haalat hai Hur samajhta hoon
Tumhaare sabr ki lekin main daad deta hoon
Ke jaise tum yahan aaye ho aana mushkil hai
2
Jo haal hona hai Qasim ka us ka haal na ho
Ke tere laal ki mayyat to paayemaal na ho
Main jaanta hoon ke tukre uthaana mushkil hai
3
Hussain kehte the ro kar ye ,Hur ke bete se
Samajh raha hoon aziyat, teri mere bachche
Bureeda halq se yun mus,kurana mushkil hai
4
Pukaara Hur ka pisar ro ke ae Shah-e-Ismat
Salaam ke liye uthne ki bhi nahin himmat
Ke pyaase honton se Maula bulaana mushkil hai
5
Ghareeb baap ka ye imtihaan nahin loonga
Tumhaare laal ko kandhon pe main uthaaoonga
Utha ke laash ko khemon mein jaana mushkil hai
6
Ye waqt kaisa hai tum ko khabar nahin bhai
Tumhaare saath tumhaari behan nahin aayi
Jigar ka zakhm phuphi ko dikhana mushkil hai
7
Tumhaari zawja ko Zainab sambhalti bhaiya
Ajeeb waqt hai maa ko bataayenge a'da
Jo baap ke liye maa ko bataana mushkil hai
8
Yun zard chehra hai jaise ke jaan nikalti hai
Main dekhta hoon kamar teri jhuk'ti jaati hai
Tere liye ye shahadat bhulana mushkil hai
9
Sadaayein aati theen Akbar ye Hur ke laashe se
Akele laasha-e-Akbar uthaaoge kaise
Kaha tha aap ne mayyat uthaana mushkil hai