Noha
جنگل میں بھرے گھر کو لٹا آئی ہے زینب، اے شہرِ مدینہ
Jangal May Bhare Ghar Ko Luta Aayi Hai Zainab
View
Urdu
جنگل میں بھرے گھر کو لٹا آئی ہے زینب، اے شہرِ مدینہ
عابد کو کسی طرح بچا لائی ہے زینب، اے شہرِ مدینہ
1
بندھوا کے رسن ہاتھوں میں اور خطبے سنا کے، گھر بار لٹا کے
دیوار بڑے کفر کی ڈھا آئی ہے زینب، اے شہرِ مدینہ
2
جس شہر میں شہزادیوں کی طرح رہی تھی، نازوں سے پلی تھی
سر ننگے اسی شہر میں ہو آئی ہے زینب، اے شہرِ مدینہ
3
جو ہجرِ پدر میں رہے ہر وقت پریشاں، سوئی نہیں اک آن
اس بچی کو زنداں میں سلا آئی ہے زینب، اے شہرِ مدینہ
4
ڈھارس تھی بہت بھائی کو جس بھائی کے دم سے، دل پھٹتا ہے غم سے
ساحل پہ اکیلا اسے چھوڑ آئی ہے زینب، اے شہرِ مدینہ
5
چھ ماہ کے اصغر کو بھی جھولے کے بجائے، دکھ درد چھپائے
آغوش میں تربت کے سلا آئی ہے زینب، اے شہرِ مدینہ
6
تھے عون و محمد جو مری آنکھوں کے تارے، ماموں کے دلارے
قربان انہیں بھائی پر کر آئی ہے زینب، اے شہرِ مدینہ
7
تھا اکبرِ ناشاد جو اس گھر کا اجالا، وہ گیسوؤں والا
مرقد میں اکیلا اسے چھوڑ آئی ہے زینب، اے شہرِ مدینہ
8
نادم ہے بہت، لا سکی قاسم کو نہ ہمراہ، وا حسرتا و دردا
کبریٰ کو مگر ساتھ لیے آئی ہے زینب، اے شہرِ مدینہ
9
پانی جو پیے اہلِ وطن، پیاس نہ بھولے، منہ اشکوں سے دھولے
کہنے کو یہ بھائی کا پیام آئی ہے زینب، اے شہرِ مدینہ
10
منظر وہ بھلا سکتی نہیں تا دمِ آخر، ہے کہنے سے قاصر
جو شام کے دربار میں دیکھ آئی ہے زینب، اے شہرِ مدینہ
11
کس وقت خدا جانے قدم نکلے تھے گھر سے، چادر چھنی سر سے
اب تک نہ مصائب سے نکل پائی ہے زینب، اے شہرِ مدینہ
12
شبیر پہ اب روئے گا تا حشر زمانہ، ہے غم کا فسانہ
مجلس کی بنا شام میں ڈال آئی ہے زینب، اے شہرِ مدینہ
13
رہ جائے گا اخترؔ افقِ غم پہ ترا نام، کیا خوب ہے انعام
نوحہ ترا سننے کے لیے آئی ہے زینب، اے شہرِ مدینہ
Roman Urdu
Jangal may bhare ghar ko luta aayi hai Zainab ay Shehr-e-Madina
Abid ko kisi tarha bacha laayi hai Zainab ay Shehr-e-Madina
1
Bandhwa ke rasan haaton may aur khutbe sunaake ghar baar lutaake
Dewaar bade kufr ke dha aayi hai Zainab ay Shehr-e-Madina
2
Jis shehr may Shehzaadiyo ki tarha rahi thi naazon se pali thi
Sar nange usi shehr may ho aayi hai Zainab ay Shehr-e-Madina
3
Jo hijre padar may rahe har waqt pareshan soyi nahi ek aan
Us bachi ko zindaan may sulaa aayi hai Zainab ay Shehr-e-Madina
4
Dhaaras thi bahot Bhai ko jis Bhai ke dam se dil phat-ta hai gham se
Saahil pe akela usay choad aayi hai Zainab ay Shehr-e-Madina
5
Chhey maah ke Asghar ko bhi jhoole ke bajaaye dukh dard chipaaye
Aaghosh may turbat ke sulaa aayi hai Zainab ay Shehr-e-Madina
6
Thay Aun-o-Mohammad jo meri aankhon ke taare mamu ke dulaare
Qurbaan unhe Bhai par kar aayi hai Zainab ay Shehr-e-Madina
7
Tha Akbar-e-Nashaad jo is ghar ka ujaala wo Gaysuon wala
Marqad may akela usay choad aayi hai Zainab ay Shehr-e-Madina
8
Naadim hai bahot laa saki Qasim ko na humra wa hasrat-o-darda
Kubra ko magar saath liye aayi hai Zainab ay Shehr-e-Madina
9
Pani jo piye ehle watan pyaas na bhulay moo ashkon se dholay
Kehne ko ye Bhai ka payaam aayi hai Zainab ay Shehr-e-Madina
10
Manzar wo bhula sakti nahi ta dame aakhir hai kehne se qaasir
Jo Shaam ke darbaar may dekh aayi hai Zainab ay Shehr-e-Madina
11
Kis waqt Khuda jaane qadam nikle thay ghar se chaadar chini sar se
Ab tak na masayab se nikal paayi hai Zainab ay Shehr-e-Madina
12
Shabbir pe ab royega ta hashr zamana hai gham ka fasana
Majlis ki bina Shaam may daal aayi hai Zainab ay Shehr-e-Madina
13
Reh jayega Akhtar* ufaqe gham pe tera naam kya khoob hai inaam
Nauha tera sun-ne ke liye aayi hai Zainab ay Shehr-e-Madina