Basta — Page 111

Salami jaan guza hai ranj-o-gham khasan-e-Dawar ka Nasim Amrohvi Salami jaan guza hai ranj-o-gham khasan-e-Dawar ka Qalaq Sibtain ka, Zahra ka, Haider ka, Payambar ka Sada shahra rahega jud-o-khulq-o-zor-e-Haider ka Qatar-o-sher-o-angushtar ka, dar ka, ruh ke par ka Ali ki tigh ke dam se hua har marka faisal Uhud ka, Badr ka, Siffin ka, Khandaq ka, Khaibar ka Ye panchon sure ay dil, Panjtan ki shan mein aaye Qamar ka, Shams ka, Rahman ka, Maryam ka, Kausar ka Fida-e-Shah ho kar Hurr ne, kis kis ka sharaf paya Uwais-o-Zaid ka Ammar ka Salman ka Buzar ka Nishan mit kar wafadari mein kaisa naam nikla hai Zuhair-o-Muslim-o-Wahab-o-Habib-o-Hurr Safdar ka Ghulam-e-Panjtan ko dar nahin in panch chizon ka Ajal ka, jaan-kani ka, qabr ka, barzakh ka, mahshar ka Mila hai rone walon ko sawab ek aah ka kya kya Salat-o-saum ka khums-o-zakat-o-Hajj-e-Akbar ka Siwaye tishnagi Shabbir ko ek ek sadma tha Bhatijon bhanjon ka, bhai ka, Akbar ka, Asghar ka Barabar Zakhm par hai zakhm, Sheh ke jism-e-athhar par tabar ka, teer ka, talwar ka, neze ka, khanjar ka Ghazab hai itne sadme aik jan-e-khwahar-e-shabbir rida ka, qaid ka, bachon ka, akbar ka, baradar ka Sakina le gayi ye panch dagh is bagh-e-alam se Tamanchon ka, rasan ka, bap ka, ammu ka, gauhar ka Tarap ke kehti thi Bano, karun kis kis ka main matam Jawan ka, tifl ka, damad ka, dukhtar ka, shohar ka Tah-e-khanjar Imam-e-Pak ko kis kis ka dhyan aaya Bahen ka, beti ka, bimar ka, ummat ka, mahzar ka

(Bashukriya sozkhwan Syed Asghar Abbas Zaidi Farrukh Bahari, aur sozkhwan Aziz Zaidi o baradaran) Hai salam us pe jo kehti thi sada, haye Husain Raja Kanwar / Lucknow Hai salam us pe jo kehti thi sada, haye Husain Zalimon ne tujhe pani na diya, haye Husain Ali Akbar tere samne barchhi khai Qatl Asghar tere hathon pe hua, haye Husain Dukh pe dukh sah ke jise Fatima ne pala tha Us pe be-dinon ne ye zulm kiya, haye Husain Na raha koi janaze ka uthane wala Tan-e-zakhmi tera tiron pe raha, haye Husain Ghore dauraye la'inon ne tere lashe par Jaise tu Sibt-e-Payambar hi na tha, haye Husain Jal gaye khaime chhini chadren saman luta Baad tere hui hum par ye jafa, haye Husain Jis jagah khaima-e-Zainab tha wahan se ab tak Rat ko aati hai kanon mein sada, haye Husain (Bashukriya sozkhwan Muhammad Wali, Syed Sajid Husain Zaidi)