Basta — Page 110
View
Roman Urdu
Urdu text
Husain Ibn-e-Ali ka gham dil-e-muztar mein rehta hai
Rubai / Maulana Muhammad Mustafa Jauhar
Husain Ibn-e-Ali ka gham dil-e-muztar mein rehta hai
Bahr-e-unwan jaise ghar ka malik ghar mein rehta hai
Gham-e-Shabbir aur hubb-e-Ali hai zindagi apni
Ye jazba dil mein rehta hai, ye sauda sar mein rehta hai
Naye ga puchhne wale taharat dida-e-tar ki
Ye ansu Sayyida ke gosha-e-chadar mein rehta hai
Kisi surat Ali ke dar pe rehne ki jagah milti
Ye khurshid ziya-gustar isi chakkar mein rehta hai
Nikalta hi nahin bugz-e-Ali dushman ke sine se
Ye Marhab dusra hai jo isi Khaibar mein rehta hai
Farari se na ye puchho ke aakhir bhagta kyun hai!
Ye puchho bhagna tay hai to kyun lashkar mein rehta hai
Kabhi pahlu mein dhunda aur roti hain Rubab uth kar
Ye alam rat bhar yaad-e-Ali Asghar mein rehta hai
Bayan-e-marifat mein sidq se hatta nahin Jauhar
Dimagh us ka khayal-e-rifat-e-mimbar mein rehta hai
حسین ابنِ علیؑ کا غم دلِ مضطر میں رہتا ہے
رباعی / مولانا محمد مصطفیٰ جوہر
حسینؑ ابنِ علیؑ کا غم دلِ مضطر میں رہتا ہے
بہر عنوان جیسے گھر کا مالک گھر میں رہتا ہے
غمِ شبیرؑ اور حُبِّ علیؑ ہے زندگی اپنی
یہ جذبہ دل میں رہتا ہے، یہ سودا سَر میں رہتا ہے
نئے گا پوچھنے والے طہارت دیدۂ تر کی
یہ آنسو سیدہؑ کے گوشۂ چادر میں رہتا ہے
کسی صورت علیؑ کے دَر پہ رہنے کی جگہ ملتی
یہ خورشید ضیاء گُستر اِسی چکر میں رہتا ہے
نکلتا ہی نہیں بغضِ علیؑ دشمن کے سینے سے
یہ مرحب دوسرا ہے جو اِسی خیبر میں رہتا ہے
فراری سے نہ یہ پوچھو کہ آخر بھاگتا کیوں ہے!
یہ پوچھو بھاگنا طے ہے تو کیوں لشکر میں رہتا ہے
کبھی پہلو میں ڈھونڈا اور روتی ہیں ربابؑ اُٹھ کر
یہ عالم رات بھر یادِ علی اصغرؑ میں رہتا ہے
بیانِ معرفت میں صدق سے ہٹتا نہیں جوہرؔ
دماغ اُس کا خیالِ رفعتِ منبر میں رہتا ہے
Ayah-e-Tathir ke maqsad ka mehwar Fatima
Maulana Muhammad Mustafa Jauhar
Ayah-e-Tathir ke maqsad ka mehwar Fatima
Yani sharh-e-azmat-e-Nur-e-Payambar Fatima
In se phaila Din-e-Haq in se barhi nasl-e-Rasul
Ek Kausar hain Ali aur ek Kausar Fatima
Kashti-e-Din-e-Khuda ki nakhuda sabit huin
Shabbar-o-Shabbir jaise din ka langar Fatima
Naam hai Tasbih-e-Zahra, kam Tasbih-e-Khuda
Zikr tera zikr-e-Haq Allahu Akbar Fatima
Teri khidmat mein hua fiqh ko Quran bar-zaban
Ay Lisan Allah ay iman-parwar Fatima
Ayah-e-Tathir likhne ke liye taqdir ne
Teri sirat ko banaya is ka mistar Fatima
Tu kare apne janaze ke liye shab ko pasand
Aur teri dukhtar ho balwe mein khule sar Fatima
Zahr Shabbar ko diya, tukre jigar ke ho gaye
Phir gaya Shabbir ki gardan pe khanjar Fatima
(Bashukriya shair o salamkhwan Syed Haider Zaidi Saeed)
Professor Mirza Qamar Abbas Wafa Kanpuri
Faqat shahid ka haq hai hayat baad-e-mamat
Magar wo log jo Sibt-e-Nabi ke zakir hain
آیۂ تطہیر کے مقصد کا محور فاطمہؑ
مولانا محمد مصطفیٰ جوہر
آیہِ تطہیر کے مقصد کا محور فاطمہؑ
یعنی شرحِ عظمتِ نورِ پیمبرؐ فاطمہؑ
اِن سے پھیلا دینِ حق اِن سے بڑھی نسلِ رسولؐ
ایک کوثر ہیں علیؑ اور ایک کوثر فاطمہؑ
کشتیِ دینِ خدا کی ناخدا ثابت ہوئیں
شبرؑ و شبیرؑ جیسے دیں کا لنگر فاطمہؑ
نام ہے تسبیح زہراؑ، کام تسبیح خدا
ذکر تیرا ذکرِ حق اللہُ اکبر فاطمہؑ
تیری خدمت میں ہوا فقہ کو قرآں بر زباں
اے لسان اللہ اے ایمان پرور فاطمہؑ
آیہِ تطہیر لکھنے کیلئے تقدیر نے
تیری سیرت کو بنایا اس کا مسطر فاطمہؑ
تو کرے اپنے جنازے کیلئے شب کو پسند
اور تری دختر ہو بلوے میں کھلے سَر فاطمہؑ
زہر شبرؑ کو دیا، ٹکڑے جگر کے ہو گئے
پھر گیا شبیرؑ کی گردن پہ خنجر فاطمہؑ
(بشکریہ شاعر و سلام خواں سید حیدر زیدی سعید)
پروفیسر مرزا قمر عباس وفا کانپوری
فقط شہید کا حق ہے حیات بعدِ ممات
مگر وہ لوگ جو سبطِ نبیؐ کے ذاکر ہیں