Basta — Page 114

Husain yun hue ay mujrai watan se juda Mir Anees Husain yun hue ay mujrai watan se juda Ke jaise bulbul-e-nashad ho chaman se juda Sipah-e-Sham se tuka jo Hurr to bole malak Wo aftab-e-darakhshan hua gahan se juda Watan mein phir ke safar se na jite ji aaye Ajab ghari thi ke Akbar hue bahen se juda Nikala gardan-e-Asghar se tir jab Shah ne Gale se bahne laga khun juda dahan se juda Sakina mar gayi qaid-e-sitam mein ghut ghut kar Magar na chand si gardan hui rasan se juda

Hifz-e-namus-e-ilahi, kar-e-shamshir-e-Husain Professor Nasrin Naqvi Hifz-e-namus-e-ilahi, kar-e-shamshir-e-Husain Satwat-e-Din-e-Muhammad, husn-e-tadbir-e-Husain Is se barh kar aur kya hogi fazilat ki dalil Khud Rasul-e-Hashimi karte hain tauqir-e-Husain Ghurur-e-sarkash taqaton ka sar na uthne payega Hashr tak hai pay-e-batil aur zanjir-e-Husain Sarwar-e-Kaunain ke itne chete kyun hue Bas yahi dushman ki nazron mein hai taqsir-e-Husain

Kis zaban se ho bayan ye izz-o-shan-e-Ahl-e-Bait Maulana Hasan Raza Khan Bahari Kis zaban se ho bayan ye izz-o-shan-e-Ahl-e-Bait Madh-go-e-Mustafa hai madh-khwan-e-Ahl-e-Bait Mustafa izzat barhane ke liye tazim dein Hai buland iqbal tera dudman-e-Ahl-e-Bait In ke ghar mein be-ijazat Jibrail aate nahin Qadr wale jante hain qadr-o-shan-e-Ahl-e-Bait Ay shabab-e-fasl-e-gul ye chal gayi kaisi hawa Kat raha hai lahlahata bustan-e-Ahl-e-Bait Kis shaqi ki hai hukumat haye kya andher hai Lut raha hai din-dahare karwan-e-Ahl-e-Bait Fatima ke ladle ka aakhri didar hai Hashr ka hangama barpa hai miyan-e-Ahl-e-Bait Bagh-e-Jannat chhor kar aaye hain Mahbub-e-Khuda Ay zahe qismat tumhari kushtagan-e-Ahl-e-Bait Ghar lutana jaan dena koi tujh se sikh jaye Jaan-e-ma, tum par fida ay khandan-e-Ahl-e-Bait (Bashukriya Maulana Qari Hasan Mahmud)