Basta — Page 115
View
Roman Urdu
Urdu text
Ahl-e-Bait-e-Pak se gustakhiyan be-bakiyan!
Jamil Lakhnavi
Ye zeb deta tha kehna Husain hi ke liye
Karam ki bhik na mangunga zindagi ke liye
Husain khana-e-Zahra mein aap kya aaye
Chiragh mil gaya Kaabe ko roshni ke liye
Khuda ne dubte suraj ko kar diya wapas
Nizam-e-dahr badalna para Ali ke liye
Husain karte hain sairab Hurr ke lashkar ko
Kaleja chahiye dushman ki dosti ke liye
Gham-e-Husain mein ashkon ke bah gaye darya
Zamana itna na roya kabhi kisi ke liye
Jawan bete ki mayyat utha rahe hain Husain
Khuda ye waqt na laye kabhi kisi ke liye
Main sath le ke Tajammul lahad mein jaunga
Gham-e-Husain nahin sirf jite ji ke liye
(Bashukriya sozkhwan Jawad Husain Zaidi o Turab Jafari)
Doctor Professor Farhat Manzar Jafari
Alam-e-inni ka hai yahi alam-panah hain
Takhliq-e-kainat ke wahid gawah hain
اہلِ بیتِ پاک سے گستاخیاں بے باکیاں !
جمیل لکھنوی
یہ زیب دیتا تھا کہنا حسینؑ ہی کیلئے
کرم کی بھیک نہ مانگوں گا زندگی کیلئے
حسینؑ خانۂ زہراؑ میں آپ کیا آئے
چراغ مل گیا کعبہ کو روشنی کیلئے
خدا نے ڈوبتے سورج کو کر دیا واپس
نظامِ دہر بدلنا پڑا علیؑ کیلئے
حسینؑ کرتے ہیں سیراب حُرؑ کے لشکر کو
کلیجہ چاہئے دشمن کی دوستی کیلئے
غمِ حسینؑ میں اشکوں کے بہہ گئے دریا
زمانہ اتنا نہ رویا کبھی کسی کے لئے
جوان بیٹے کی میت اُٹھا رہے ہیں حسینؑ
خدا یہ وقت نہ لائے کبھی کسی کے لئے
میں ساتھ لے کے تجملؔ لحد میں جاؤں گا
غمِ حسینؑ نہیں صرف جیتے جی کیلئے
(بشکریہ سوزخواں جواد حسین زیدی و تراب جعفری)
ڈاکٹر پروفیسر فرحت منظر جعفری
عالمِ اِنّی کا ہے یہی عالم پناہ ہیں
تخلیقِ کائنات کے واحد گواہ ہیں
Ek daur-e-Islami duniya ka Husain mein aisa aata hai
Sibt Akbarabadi
Ek daur-e-salami duniya ka sadiyon mein aisa aata hai
Jab koi Payambar uthta hai ya koi shahadat pata hai
Jab nauha Kaabe walon ka ro ro kar koi sunata hai
Sine mein ruh larazti hai jine se ji ghabrata hai
Ay Nahr-e-Furat ay Nahr-e-Furat afsos ke apni qismat par
Kausar ka Saqi aaj tere sahil se pyasa jata hai
Ay qahr-e-Khuda is duniya par girti nahin kyun bijli teri
Ghar se dur ek pura kunba jangal mein luta jata hai
Insan tere patthar dil mein kyun dard nahin insanon ka
Dukh deta hai mazlumon ko masumon ko tarsata hai
Sajjad asir-e-jaur hue afsos kisi ne ye na kaha
Ye paon sutun-e-Kaaba hain zanjir kise pehnata hai
Simab nazar aati hai mujhe har chiz udas aur azurda
Fitrat-e-ghamgin ho jati hai jab mah-e-Muharram aata hai
(Bashukriya sozkhwan Doctor Alhaj Saeed-ul-Hasan o Shahab Haider)
اک دورِ اسلامی دنیا کا حسینؑ میں ایسا آتا ہے
سبط اکبر آبادی
اِک دورِ سلامی دنیا کا صدیوں میں ایسا آتا ہے
جب کوئی پیمبرؐ اُٹھتا ہے یا کوئی شہادت پاتا ہے
جب نوحہ کعبے والوں کا رو رو کر کوئی سُناتا ہے
سینے میں روح لرزتی ہے جینے سے جی گھبراتا ہے
اے نہرِ فرات اے نہرِ فرات افسوس کہ اپنی قسمت پر
کوثر کا ساقی آج ترے ساحل سے پیاسا جاتا ہے
اے قہرِ خدا اِس دُنیا پر گرتی نہیں کیوں بجلی تیری
گھر سے دُور اک پورا کنبہ جنگل میں لُوٹا جاتا ہے
انسان ترے پتھر دل میں کیوں درد نہیں انسانوں کا
دُکھ دیتا ہے مظلوموں کو معصوموں کو ترساتاتا ہے
سجادؑ اسیر جور ہوئے افسوس کسی نے یہ نہ کہا
یہ پاؤں ستونِ کعبہ ہیں زنجیر کسے پہناتا ہے
سیمابؔ نظر آتی ہے مجھے ہر چیز اُداس اور آزردہ
فطرتِ غمگیں ہو جاتی ہے جب ماہِ محرم آتا ہے
(بشکریہ سوزخواں ڈاکٹر الحاج سعید الحسن و شہاب حیدر)