Basta — Page 121

Muntazim Kaabe ka aa pahuncha safai ke liye Qamar Jalalvi Muntazim Kaabe ka aa pahuncha safai ke liye Ae buton ab aur ghar dhoondo Khudai ke liye Cheerte hain kalla-e-azhdar ko jhoole mein Ali Aaj pehli mashq hai Khaibar kushai ke liye Do kiya Marhab ko jab Haider ne to boli Zulfiqar Haath aisa chahiye tegh azmai ke liye Kehte the Abbas main saqqa hun fauj-e-Shah ka Khoon ke darya baha dunga tarai ke liye Ae uroos-e-tegh-e-Qasim ran mein ghoonghat tu utha Sar liye lakhon khare hain runumai ke liye Chaunk uthti thi Sakina naam sun kar Shah ka Jab kabhi roti thi Zainab apne bhai ke liye Ibn-e-Muljim ne lagai jab Ali ke sar pe tegh Arsh se utre malaik bhi duhai ke liye Kar diya kyun Ibn-e-Muljim, aise Maula ko shaheed Tha jo ik mushkil kusha sari Khudai ke liye

Nazar pari jo Muhammad ki Aal ki surat Maulana Riyaz-ud-Din Sarwari Nazar pari jo Muhammad ki Aal ki surat To goya dekh li Badr-e-kamal ki surat Hasan Husain ki surat mein dekh le koi Rasul-e-Pak ke husn-o-jamal ki surat Farishte aate the har roz asmanon se Zamin pe dekhne Zahra ke lal ki surat Jalal us ka hai manind-e-mehr-e-alam-tab Jamal us ka hai Badr-e-kamal ki surat Wujud Sarwar-e-Alam ka aks hain Hasnain Nazar-nawaz hai ye itisal ki surat Mile Husain jise, Mustafa mile us ko Wisal-e-Haq hai Nabi ke wisal ki surat Husain ko to har ek gam par uruj mila Magar Yazid ne dekhi zawal ki surat Riyaz ishq-e-Husaini hai mera sarmaya Yahi Husain hai mere maal ki surat

Silsila naam-e-Khuda, jazba-e-imani ka Professor Maulana Zafar Jauhari Silsila naam-e-Khuda, jazba-e-imani ka Sang-e-bunyad hai Shabbir ki qurbani ka Din ke waste Allah re, isar-e-Husain Kabhi shikwa na kiya gham ki farawani ka Ya Ali jis ki zaban par ho bhala us ke liye Khauf kya zulm ka, dahshat ka, pareshani ka Karbala, ho ke raha wo teri azmat pe nisar Jaiza jis ne liya fitrat-e-insani ka Kalima-go the sabhi Dasht-e-Bala mein lekin Ek qatra bhi na pyason ko mila pani ka