Basta — Page 120

Bhai ki tarah se tum bhi to iman ka sahara ho Zainab Gham-e-Ahl-e-Bait Karbala ki manzilat sabit hai har unwan se Ved se Taurat se Injil se Quran se Hubb-e-Ahl-e-Bait hai Haq ko bahr-e-surat pasand Be-khudi ki shan se ho ya khudi ki shan se Madh-e-Haider, matam-e-Shabbir, ehsas-e-wila Jine wale tujh ko marna hai bare saman se Man ne phir ye bhi na socha dekh kar Akbar ki jang Hum ne atharah baras pala hai kis arman se Dast-e-matamdar khud hi khol lega Bab-e-Khuld Hum azadaron ka maruza nahin Rizwan se Karbala walon ne duniya ko diye kya kya sabaq Qaid-khana ki faza tak, jang ke maidan se Hurr jinhen maqtal mein laya tha unhi par jaan di Zist kis unwan se thi maut kis unwan se (Bashukriya soz o salam o nauhakhwan Syed Abrar Husain o Zulfiqar Mukhtar)

Baitha hai mushkilat ke raste mein har ke Ustad Qamar Jalalvi Baitha hai mushkilat ke raste mein har ke O bad-nasib, dekh Ali ko pukar ke Marhab ka qatl bhi koi Khaibar mein qatl tha Phenkan tha Zulfiqar ka sadqa utar ke Khaibar ke dar ne khul ke ishara ye kar diya Manzar yahi hain quwwat-e-Parwardigar ke Rubah-e-jang Aun-o-Muhammad pe kehte the Ye sher jane phut gaye kis kachhar ke Laila ke dil ko dekh rahe hain Shah-e-Zaman Akbar ko ran mein bheja hai gesu sanwar ke Asghar jigar ko tham ke roti hai fauj-e-Sham Tum tir kha ke aaye ho ya tir mar ke Akbar tumhara bagh-e-jawani ujar gaya Laila ne char din bhi na dekhe bahar ke Tarikiyan wo Sham-e-Ghariban ki ay Qamar Tare bhi so gaye falak-e-kaj-madar ke