Basta — Page 126
View
Roman Urdu
Urdu text
Salam us par ke jo lakht-e-dil-e-Shabbir-e-Khuda bhi hai
Hazrat Kamal Ganjavi
Salam us par jo lakht-e-dil-e-Sher-e-Khuda bhi hai
Nawasa Mustafa ka, Fatima ka ladla bhi hai
Salam us par ke takmil-e-nubuwwat ka jo hasil hai
Jo khud rahi nahin, jada nahin hai ain manzil hai
Salam us par ke jis ka hashr tak paigham zinda hai
Lahu dene se jis ke ghairat-e-Islam zinda hai
Salam us par ke jis ka faiz-e-gauhar-bar baqi hai
Wafa zinda, muhabbat surkh-ru, isar baqi hai
Khuda-fahmi ki kaifiyat dilon par jis ne tari ki
Salam us par ke jo insaniyat ki qadr-e-aali hai
Salam us par ke jo insaniyat ki qadr-e-ala hai
Mashiyat ne imamat ke jise sanche mein dhala hai
(Bashukriya Salim Raza, Kalim Raza aur Professor Simin Kazmi)
سلام اس پر کہ جو لختِ دلِ شبیرِ خدا بھی ہے
حضرت کمال گنجوی
سلام اُس پہ جو لختِ دلِ شیرِ خدا بھی ہے
نواسہ مصطفیٰؐ کا، فاطمہؑ کا لاڈلا بھی ہے
سلام اُس پر کہ تکمیلِ نبوت کا جو حاصل ہے
جو خود راہی نہیں، جادہ نہیں ہے عین منزل ہے
سلام اُس پر کہ جس کا حشر تک پیغام زندہ ہے
لہو دینے سے جس کے غیرتِ اسلام زندہ ہے
سلام اُس پر کہ جس کا فیضِ گوہر بار باقی ہے
وفا زندہ، محبت سُرخ رُو، ایثار باقی ہے
خدا فہمی کی کیفیت دلوں پر جس نے طاری کی
سلام اُس پر کہ جو انسانیت کی قدرِ عالی ہے
سلام اُس پر کہ جو انسانیت کی قدرِ اعلیٰ ہے
مشیت نے امامت کے جسے سانچے میں ڈھالا ہے
(بشکریہ سلیم رضا، کلیم رضا اور پروفیسر سیمیں کاظمی)
Zikr hum karte rahenge hashr tak Shabbir ka
Shair o sozkhwan Wali Jalalvi
Zikr hum karte rahenge hashr tak Shabbir ka
Mutabar hai ye tariqa qalb ki tathir ka
Dard se na-ashna kya jane kya hai Karbala
Dard wala hi karega tazkira Shabbir ka
Hausla bhi kanp utha dekh kar azm-e-Husain
Khun-e-chullu mein liya jab Asghar-e-be-shir ka
Apne khutbon se hila kar rakh diya qasr-e-Yazid
[Ek misra juzwi taur par ghair wazeh]
Hausla Allahu Akbar Zainab-e-dilgir ka
Haq ada Karb-o-Bala mein kar diya Abbas ne
Quwwat-e-Haider ka aur Umm-ul-Banin ke sher ka
Yaad aate hain hamein bimar ke tauq-o-rasan
Is liye karte hain hum matam bapa zanjir ka
[Ek sher juzwi taur par ghair wazeh]
Hurr ka sar zanu-e-Shah par tha rumal-e-Batul
Aadmi dekha nahin aisa dhi taqdir ka
(Bashukriya sozkhwan Syed Wali Haider)
Fatima khari darwaze par Sham-o-sahar
Rasta takti thin pairon Akbar-e-dilgir ka
ذکر ہم کرتے رہیں گے حشر تک شبیرؑ کا
شاعر و سوزخواں ولی جلالوی
ذکر ہم کرتے رہیں گے حشر تک شبیرؑ کا
معتبر ہے یہ طریقہ قلب کی تطہیر کا
درد سے نا آشنا کیا جانے کیا ہے کربلا
درد والا ہی کرے گا تذکرہ شبیرؑ کا
حوصلہ بھی کانپ اُٹھا دیکھ کر عزمِ حسینؑ
خونِ چلو میں لیا جب اصغرؑ بے شیر کا
اپنے خطبوں سے ہلا کر رکھ دیا قصرِ یزید
[ایک مصرع جزوی طور پر غیر واضح]
حوصلہ اللہ اکبرؑ زینبِؑ دلگیر کا
حق ادا کرب و بلا میں کر دیا عباسؑ نے
قوتِ حیدرؑ کا اور اُمِّ البنینؑ کے شیر کا
یاد آتے ہیں ہمیں بیمار کے طوق و رَسن
اِس لئے کرتے ہیں ہم ماتم بپا زنجیر کا
[ایک شعر جزوی طور پر غیر واضح]
حُرؑ کا سَر زانوئے شہؑ پر تھا رومالِ بتولؑ
آدمی دیکھا نہیں ایسا دِھی تقدیر کا
(بشکریہ سوزخواں سید ولی حیدر)
فاطمہؑ کھڑی دروازے پر شام و سحر
راستہ تکتی تھیں پیروں اکبرؑ دلگیر کا
Kabhi fart-e-adab mein ashk-afshani nahin jati
Hain lab khamosh lekin marsiyakhwani nahin jati
Haram ki be-ridai ne liya hai intiqam aisa
Yazidiyat ki pardon mein bhi uryani nahin jati
Na bharte rang is mein gar lahu se Karbala wale
To aaj Islam ki surat bhi pehchani nahin jati
Hukumat Ahl-e-Duniya ke faqat hakim ke dam tak hai
Dilon par jo hukumat ho wo sultani nahin jati
Koi Haq ka mujahid sar bhat aata hai maidan mein
Khule sar Sham ke balwe mein Syedani nahin jati
Hazaron bandishen hoti hain matam pe shahidon ke
Shahab is par bhi apni marsiyakhwani nahin jati
کبھی فرطِ ادب میں اشک افشانی نہیں جاتی
ہیں لبِ خاموش لیکن مرثیہ خوانی نہیں جاتی
حرم کی بے ردائی نے لیا ہے انتقام ایسا
یزیدیت کی پردوں میں بھی عریانی نہیں جاتی
نہ بھرتے رنگ اِس میں گر لہو سے کربلا والے
تو آج اسلام کی صورت بھی پہچانی نہیں جاتی
حکومت اہلِ دنیا کے فقط حاکم کے دَم تک ہے
دلوں پر جو حکومت ہو وہ سلطانی نہیں جاتی
کوئی حق کا مجاہد سَر بھٹ آتا ہے میداں میں
کھلے سَر شام کے بلوے میں سیدانی نہیں جاتی
ہزاروں بندشیں ہوتی ہیں ماتم پہ شہیدوں کے
شہابؔ اِس پر بھی اپنی مرثیہ خوانی نہیں جاتی