Basta — Page 132

Kya hai batayen aap ko kya kya hamare pas [Shair ka naam juzwi taur par ghair wazeh] Kya hai batayen aap ko kya kya hamare pas Hai hubb-e-Panjtan ka khazana hamare pas Abbas namwar sa hai Aqa hamare pas Bimar-e-Karbala sa Masiha hamare pas Hum log Fatima ki duaon ke hain asar Hai kis qadar buland ye rutba hamare pas Aal-e-Nabi ka zikr se kam nahin Farsh-e-aza hai misl-e-musalla hamare pas Surat se ye zamana dega kya fareb Hai sirat-e-Husain ka naqsha hamare pas Sahil se aa rahi hai Alamdar ki sada Aajao le ke kuza-e-Sakina hamare pas Mahshar hamein jahan ki balaon ka dar nahin Nad-e-Ali rehta hai pahra hamare pas (Bashukriya nauhakhwan Syed Muhammad Naqsh / Alwida)

Aajao imamat ki hasin bara-dari tak Ashraf Charchavi Aajao imamat ki hasin bara-dari tak Pahunchoge isi dar se Khuda aur Nabi tak Duniya to Khuda kehne lagi Maula Ali ko Tum Maula ke mafhum mein uljhe ho abhi tak Allah salamat rakhe hum Ahl-e-Aza ko Ay Hadi-e-dauran, teri amad ki ghari tak [Safha ke balai bayen hisse mein sabiqa kalam ka tasalsul] Jab ashk meri ankh se nikle tere gham mein [Ek misra juzwi taur par ghair wazeh] Tufan ho andhi ho ajal ho ke munafiq Himmat nahin aa jaye mere ghar ki gali tak Har daur mein is ghar ke sukhanwar rahe Ashraf Jibrail khush-atwar se farzand-e-Wali tak

Zainab kamal-e-Sani-e-Qudrat ka naam hai Wahid Hasan Baqi Zainab kamal-e-Sani-e-Qudrat ka naam hai Zainab jamal-e-ru-e-mashiyyat ka naam hai Zainab jalal-e-sahib-e-ghairat ka naam hai Zainab maal-e-kar-e-sadaqat ka naam hai Zainab hai naam azm-e-Risalat-Maab ka Zainab hai naam dida-e-Bu Turab ka Zainab shuur-e-Din-panahi ka naam hai Zainab shua-e-nur-e-ilahi ka naam hai Zainab Yazidiyat ki tabahi ka naam hai Zainab Husainiyat ki baqa ka naam hai Zainab hai naam azmat-e-Aal-e-Rasul ka Zainab hai juzv, Din ke asl usul ka Zainab dil-e-Habib-e-Ilahi ka chain hai Zainab nazir-e-Fateh-e-Badr-o-Hunain hai Zainab Janab-e-Fatima ki nur-e-ain hai Zainab sharik-e-kar-e-Imam-e-Husain hai