Basta — Page 131

Kausar-o-Jannat-o-Tuba ki jise hoti hai fikr Dar-e-Haider ka pata us ko bata dete hain Zulm ke aage nahin sar Ahl-e-Yaqin Rah-e-ulfat mein gala apna kata dete hain Qabr mein soyenge wo Ahl-e-Aza Wa Husaina ki jo raton ko sada dete hain Ahl-e-Mahshar ki jhapak jati hain ankhen ay Shauq Hashr mein ashk-e-aza aise ziya dete hain

Duniya jo dekhi Din se khali Husain ne Sarfaraz Abad Duniya jo dekhi Din se khali Husain ne Bunyad La Ilaha ki dali Husain ne Jannat ki arzu mein kahan ja rahe hain log!? Jannat to Karbala mein mangi Husain ne Takht-e-Shahi ka takhta usi waqt ho gaya Jab masnad-e-Rasul sambhali Husain ne Allah ke Nabi ko mayassar na ho sake Ansar aise paye misali Husain ne Baiat ke bhi sawal ka wazeh diya jawab Hargiz kisi ki bat na tali Husain ne Bagh-e-Iram ko to jagir bakhsh di Kehta hai kaun rakh li mali Husain ne Fitras se puchh lijiye rahib bhi hai gawah Chhora na ek nishan bhi sawali Husain ne Maqtal se kya uthaya shabih-e-Rasul ko Lagta hai kainat utha li Husain ne

Thukra ke takht chal diye is bangin ke sath Allama Irfan Haider Abidi Thukra ke takht chal diye is bangin ke sath Shahi lipti reh gayi paye Hasan ke sath Logo Amir-e-Sham aur Hasan kaja Himmat ka muqabila na karo hat-shikan ke sath Islam ki hayat ka unwan ban gaye Chapke hue the jo tukre lagan ke sath Ummat ne khub ajr-e-risalat ada kiya Bandhe gaye the bar-e-gale ek rasan ke sath Ye Fatima ke raj dulare se puchhe Islam zinda rehta hai kis kis jatan ke sath Sajjad bole kaise ghusl dun Chipka hua hai khun bhara karta badan ke sath Irfan wo dar-ba-dar ka bhikari nahin bana Mansub ho gaya jo dar-e-Panjtan ke sath (Bashukriya sozkhwan Palwar Abbas Zaidi baradaran o Naqvi Husain) The zist se yun hathon ko dhoye Sajjad Rahat se na ek rat bhi soye Sajjad Jab tak jiye, hanse na kisi ne dekha Paintis baras bap ko roye Sajjad