Basta — Page 134

Gardish-e-dauran ki zanjiren abhi kat jayengi Ya Ali keh kar to dekho, josh-e-imani ke sath Hum ghulaman-e-Ali ko khauf-e-mahshar kis liye Ya Ali keh kar guzar jayenge asani ke sath Bhul sakta hi nahin Islam ehsan-e-Husain Mit nahin sakta gham-e-Shabbir asani ke sath Marhaba sabr-e-Husain Ibn-e-Ali sad marhaba Dil ke tukre kar diye qurbani ke sath Har amal Shabbir ka tafsir-e-Quran ban gaya Har amal marbut tha Ayat-e-Qurani ke sath Madh-e-Ahl-e-Bait ko to karta hai Qamar Ilm-o-fan ke aitiraf-e-tang-damani ke sath

Chali hai rasm-e-sadaqat Husain ke ghar se Syed Aqil Abbas Jafari Chali hai rasm-e-sadaqat Husain ke ghar se Jahan ne payi ye daulat Husain ke ghar se Qiyam-e-Haq ke liye jaan tak luta dena Pari hai ye bhi riwayat Husain ke ghar se Jo tujh ko naz hai Islam par to ay waiz Tujhe mili hai ye nemat Husain ke ghar se Janab-e-Hurr hi nahin hum ne kitne logon ki Badalti dekhi hai qismat Husain ke ghar se Yazid kya tere ajdad ne bataya na tha Abas hai khwahish-e-baiat Husain ke ghar se Main Hurr ki tarah ghira hun Yazidiyon mein Aqil Yahin bhi rakhta hun nisbat Husain ke ghar se

Karbala walon ke jaise imtihan hote nahin Akhtar Husainpuri Karbala walon ke jaise imtihan hote nahin Is qadar zulm-o-sitam ay asman hote nahin Yaad aata hai hamein karb-o-bala ka saniha Be-sabab hum rat din waqt-e-fughan hote nahin Jaan de di Shah ne lekin baiat-e-fasiq na ki Din ke Shabbir jaise pasban hote nahin Karbala Jannat-nishan Shabbir ke dam se hui Karbala Jannat-nishan warna gulistan hote nahin Arsh-e-din ki khatayen tuhfa-e-Jannat bhi de Hazrat-e-Shabbir jaise mezban hote nahin Bhar liya mashkiza munh ko pher kar Abbas ne Pyas mein aise wafa ke pasban hote nahin Shimr se kehta koi Abid ko mat beri pehna Basta-e-zanjir aise natawan hote nahin Yun zaifi mein jawan ho kar lare hain Ahl-e-Bait Aise to ahd-e-jawani mein jawan hote nahin