Basta — Page 135

Ghuli hai tishna-labi ki kitab pani mein Rehan Azmi Ghuli hai tishna-labi ki kitab pani mein Wafa dikha gayi Khaibar ka bab pani mein Jamal-e-Hazrat-e-Abbas, tigh-o-mashk-o-alam Chamak rahe hain kai aftab pani mein Sawar pyasa, rahwar pyasa raha Agarche dub chuki thi rikab pani mein Pila pila ke shahidon ke naam par pani Nikali khub ye rah-e-sawab pani mein [Ek sher juzwi taur par ghair wazeh] Gham-e-Husain ke taza gulab pani mein Agar Husain na hote to mahal gaya hota Tamam-e-kar-e-Risalat-Maab pani mein Tapakne lagta hai dil khun ho ke ankhon se Najane dekhti kya hain Rubab pani mein Ajab shahadat-e-Shabbir ka hai pas-e-manzar Sawal-e-dasht mein dekha jawab pani mein Lab-e-Sakina se jo pyas ban ke ubhra tha Simat ke aa gaya wo iztirab pani mein Laga ke band-e-ab-e-rawan Shah-e-din par Adu ki ho gayi mitti kharab pani mein Bajuz shujaat-e-Abbas namwar Rehan Likha hai kis ne wafa ka nisab pani mein

Mujrai kehte hain Shabbir ka shaida mujh ko Rehan Azmi Mujrai kehte hain Shabbir ka shaida mujh ko Hashr ki dhup ka phir hai kya khatra mujh ko Kehti thi Aun-o-Muhammad se ye Bint-e-Zahra Pi liya pani to dikhlana na chehra mujh ko Bole Abbas ke sharminda hun bachchon se bahut Janib-e-khaima na le jaiye Aqa mujh ko Lash-e-Akbar pe ye farmate the ro kar Shabbir Zakhm dikhlate ho dikhlana tha sehra mujh ko Bano kehti thin buri sans ruki jati hai Mar dalega ye thehra hua jhula mujh ko Qaid-khane mein Sakina ka bayan tha Baba Aaiye dasht hai zindan ka andhera mujh ko Aa ke rauze pe Muhammad ki pukarin Zainab Dar-ba-dar aap ki ummat ne phiraya mujh ko (Bashukriya sozkhwan Waqar Husain o Naqvi baradaran) Iltimas Surah Fatiha baraye isal-e-sawab [Asma juzwi taur par ghair wazeh]