Basta — page 148 | Kalam Archive

View

Text sizeLine spacing

Original scan of Basta page 148 — Original book page

Roman Urdu

Urdu text

Pahli manzil jo Madine se hui shuru tum ko 1 Pahli manzil jo Madine se hui Sarwar ko Yaad sab karne lage Fatima Muztar ko Dard-e-furqat ne jo be-tab kiya ghar bhar ko Kaha Kubra ne ye bulwa ke Ali Akbar ko Shah se puchh ke phir shahr mein jao bhaiya Dil tarapta hai bahen ko meri lao bhaiya 2 Pas us ke nahin wan koi bhi nani ke siwa Kaun uthayega use kaun pilayega dawa Ghash se fursat use pahle hi na hoti thi zara Ankh bhi ab to nahin kholti hogi Sughra Nani ek dam ko juda us se na hoti hongi Baithi gardan ko jhukaye hue roti hongi 3 Sun ke ye Shah se ja kar Ali Akbar ne kaha Khaime mein furqat-e-Sughra se hai ek hashr bapa Go, kisi Bibi ko fursat nahin rone se zara Hal-e-Kubra mutaghayyar hai magar sab se siwa Hukm gar paun, to bimar ko dekh aaun main Maslahat ho to use sath yahan laun main 4 Ro ke Akbar se ye kehne lagi Bint-e-Haider Kehiyo Sughra se ye tum meri taraf se Akbar Phuphi qurban ho mat khoiyo jaan ro ro kar Han dua kijiyo Allah se ye Sham-o-sahar Kuchh na pardesiyon pe rah mein afat aaye Safar-e-Kufa se Shabbir salamat aaye 5 Sun chuke sab ke jo Akbar ye payam-e-jankah Charh ke Shabdiz-e-falak-sair pe li shahr ki rah Bani Hashim ke mahalle mein jo pahuncha wo mah Ja ke Sughra ko kisi ne ye khabar di nagah Lo mubarak ho ke hamshakl-e-Payambar aaya Ab na roo tumhein lene Ali Akbar aaya 6 Ponchh kar ankhon se ansu lagi kehne Sughra Main na kehti thi ke bulwayenge mujh ko Baba Aage deorhi ke jo ghore se utarte dekha Hath phaila ke kaha aao main sadqe bhaiya Apne Baba ki muhabbat mein qurban gayi Tum mujhe lene ko aaye ho main pehchan gayi

پہلی منزل جو مدینے سے ہوئی شروع تم کو ۱ پہلی منزل جو مدینے سے ہوئی سرورؑ کو یاد سب کرنے لگے فاطمہِؑ مضطر کو دردِ فرقت نے جو بے تاب کیا گھر بھر کو کہا کُبریٰؑ نے یہ بلوا کے علی اکبرؑ کو شاہؑ سے پوچھ کے پھر شہر میں جاؤ بھیا دل تڑپتا ہے بہن کو مری لاؤ بھیا ۲ پاس اُس کے نہیں واں کوئی بھی نانی کے سوا کون اُٹھائے گا اُسے کون پلائے گا دوا غش سے فرصت اُسے پہلے ہی نہ ہوتی تھی ذرا آنکھ بھی اب تو نہیں کھولتی ہو گی صغراؑ نانی اک دَم کو جُدا اُس سے نہ ہوتی ہوں گی بیٹھی گردن کو جُھکائے ہوئے روتی ہوں گی ۳ سُن کے یہ شاہؑ سے جا کر علی اکبرؑ نے کہا خیمے میں فرقتِ صغراؑ سے ہے اک حشر بپا گو، کسی بی بی کو فرصت نہیں رونے سے ذرا حالِ کبریٰؑ متغیّر ہے مگر سب سے سوا حکم گر پاؤں، تو بیمار کو دیکھ آؤں میں مصلحت ہو تو اُسے ساتھ یہاں لاؤں میں ۴ رو کے اکبرؑ سے یہ کہنے لگی بنتِ حیدرؑ کہیو صغراؑ سے یہ تم میری طرف سے اکبرؑ پھوپھی قربان ہو مت کھوئیو جاں رو رو کر ہاں دُعا کیجیو اللہ سے یہ شام و سحر کچھ نہ پردیسیوں پہ راہ میں آفت آئے سفرِ کوفہ سے شبّیرؑ سلامت آئے ۵ سُن چکے سب کے جو اکبرؑ یہ پیامِ جانکاہ چڑھ کے شبدیزِ فلک سَیر پہ لی شہر کی راہ بنی ہاشم کے محلے میں جو پہنچا وہ ماہ جاکے صغراؑ کو کسی نے یہ خبر دی ناگاہ لو مبارک ہو کہ ہمشکلِ پیمبرؐ آیا اب نہ روؤ تمہیں لینے علی اکبرؑ آیا ۶ پونچھ کر آنکھوں سے آنسو لگی کہنے صغراؑ میں نہ کہتی تھی کہ بلوائیں گے مجھ کو بابا آگے ڈیوڑھی کے جو گھوڑے سے اُترتے دیکھا ہاتھ پھیلا کے کہا آؤ میں صدقے بھیا اپنے بابا کی محبت میں قربان گئی تم مجھے لینے کو آئے ہو میں پہچان گئی