Basta — Page 156

4 Girte hi un pe karne lage bad-shiar war Afsos ek jism-e-hazin par hazar war Mazlum par jo ho rahe the bar bar war Ghash aa gaya, sahe na gaye be-shumar war Dushman the gird chahne wale na the qarib Ho kar qarib god ke pale na the qarib 5 Pate hi hukm hakim-e-badkar-o-bad-amal Balaye-bam le gaye Hazrat ko chand yal Chhat se zamin pe phenk diya aah, sar ke bal Pahunche idhar zamin pe udhar aa gayi ajal Sar nazr kar ke Ibn-e-Ziyad-e-sharir ko Malun khinchte phirte the lash-e-Safir ko Dard Asadi Kehti hai dur sar Arsh dastan-e-Husain Pahunch gaya hai kahan se kahan jahan-e-Husain! Hanif Asadi Kahin se rahm chali, ibtida kisi ne bhi ki! Husain sabr-o-tahammul ki intiha hai

Iltimas Fatiha baraye Syed Zafar Abbas Ibn Mazhar Husain Naqvi Shah ne jab chand-e-Muharram ka safar mein dekha 1 Shah ne jab chand-e-Muharram ka safar mein dekha Mahshar-e-qatl raqam ek satr mein dekha Bal jabin falak-e-zulm-o-sair mein dekha Maut ko lut machate hue dekha Surkhi-e-khun shafaq-e-qalb-e-barmane lagi Sham-e-Ashur ki taswir nazar aane lagi 2 Asp ko rok ke parhne lage ruyat ki dua Zindagi bhar se zawali thi ye Hazrat ki dua Wusat-e-rizq ka mafhum na sehat ki dua Haq se ki arz main karta hun shahadat ki dua Sabr wo bakhsh ke ta roz-e-jaza dhum rahe Hashr tak naam mera Syed-e-Mazlum rahe 3 Kuchh mere waste aisa ho mubarak ye mah Sadqe Islam pe ho jaun mile izzat-o-jah Fidya-e-rah-e-raza de laqab ay Bar-e-Ilah Khun mein tan gharq ho khushki mein safina ho tabah Qaid hon Ahl-e-Haram ghar ki safai ho jaye Sab sitam hon magar ummat ki bhalai ho jaye