Basta — Page 155

7 Dushman to kai sau the ye be-yar-o-madadgar Barchhi kabhi parti thi kabhi parti thi talwar Andoh pe andoh the azar pe azar Kis yas se ek ek ka munh takte the har bar Bazu ko sitamgar jo bandhe the rasan se Fawwara-e-khun chhutta tha har zakhm-e-badan se 8 Alqissa lab-e-bam jo laye unhein saffak Tar ansuon se ho gaya Muslim ka rukh-e-pak Faryad su-e-Kaaba ye ki ba-dil-e-ghamnak Ruhi ba-fidak ay pisar-e-Syed-e-Laulak Karta hai safar khalq se ghamkhwar tumhara Mauquf hai ab hashr pe didar tumhara Iftikhar Arif Wohi pyas hai, wohi dasht hai, wohi gharana hai Mashkiza se tir ka rishta bahut purana hai

Iltimas Fatiha baraye Syed Mir Istibar Husain urf Ali Kausar Kufe mein dakhila hai Safir-e-Imam ka 1 Kufe mein dakhila hai Safir-e-Imam ka Tazim se khamida hai sar khas-o-aam ka Ghar ghar mein ghulghula hai durud-o-salam ka Jo shakhs hai, mujassama hai ehtiram ka Baiat ka qasd hai jo Imam-e-Arab ke sath Muslim ke hath chumte hain sab adab ke sath 2 Tanha ki jang dushmanon ke dil hila gayi Pandrah sau surmaon, jawanon ko kha gayi Ibn-e-Ziyad ko jo madad ki sada gayi Chehre pe rusiyah ke zardi si chha gayi Bola chalao tigh na Hashim ke sher par Makr-o-dagha ke war karo is diler par 3 Amada makr par hue makkar-o-nabakar Kothon se phenkne lage patthar sitam-shiar Karte the dur dur se tigh-o-tabar ke war Angare marte the kahin chhup kar Ahl-e-Nar Kha kha ke zakhm Nad-e-Ali parhte jate the Muslim jihad karte hue barhte jate the