Basta — Page 158

4 Mujra ho use jis ko lainon ne sataya Wo jis ne dam-e-zabh bhi pani nahin paya Wo jis ki jabin par na masaib mein bal aaya Wo jis ne jawan lal ke lashe ko uthaya Wo Sher-e-Batul zara se jo pala tha Sajde mein tah-e-tigh-e-jafa jis ka gala tha 5 Wo jis ki bahen dekh ke deorhi se ye manzar Khaime se nikal aai thi ek bar tarap kar Chillati thi sar pit ke wo be-kas-o-muztar Jald aao kahan mere Qasim, mere Akbar Abbas, meri man ki kamai ko bachalo Ay Aun-o-Muhammad mere bhai ko bachalo [Ay Ahl-e-Aza phir alam-o-gham ke din aaye / Nasim Amrohvi] Bashukriya salamkhwan Syed Asad Jamal Rizvi Charchavi Falak ke raston ka un ko kya pata Karbala jana nahin, aata nahin Jafar Husain Jafar Wo dar hai ke Ibn-e-Nagi mere Ali ka Jis dar ke bhikari hain shahanshah-o-ghani tak

Hazrat ko hua mah-e-Muharram jo safar mein 1 Hazrat ko hua mah-e-Muharram jo safar mein Ek dagh para aur bhi Sughra ke jigar mein Nani se kaha marti hun duri-e-pidar mein Ashur ki bhi Eid na hogi mere ghar mein Kya janti thi aise bichhar jayenge Baba Wo din bhi kabhi hoga ke phir aayenge Baba 2 Kyun Nani Rajab tha ke sidhare the safar ko Pure chhe mahine hue duri-e-pidar ko Hajj kar ke phire Ahl-e-Watan khair-o-ghar ko Phir Qibla-o-Kaaba gaye aakhir kidhar ko Zahra ka qamar su-e-Madina nahin aaya Is chand ki ruyat ka mahina nahin aaya 3 Paida hue Asghar to payam-e-ajal aaya Afsos ke jhule mein bahen ne na jhulaya Bhaiya ko na ji bhar ke gale se bhi lagaya Bichhre to kabhi khwab mein bhi munh na dikhaya Dakhil-e-Shah-e-din ab bhi na ghar mein hue Nani Asghar chhe mahine ke safar mein hue Nani