Basta — Page 159

4 Garmi se kunwen khushk hue jate hain Nani Puchhe koi pardesiyon se tishna-dahani Wo boli main darti hun ye kehte hue Nani Jhilon ka na sukha ho kahin rah mein pani Faqe ko jo puchho to ye irs-e-Shah-e-din hai Baba ko mere pyas ki bardasht nahin hai 5 Baba pe kate khair se Ya Rab ye mahina Is khadshe se har waqt phata jata hai sina Baba se mere Kufiyon ke dil mein hai kina Hazrat se larai ka kahin ho na qarina Kufe ki taraf se jo hawa aati hai Nani Sab kunbe ke rone ki sada aati hai Nani [Hazrat ko hua mah-e-Muharram jo safar mein] Waqar Mohsin Ajal ko hogi aakhir ko mat maqtal mein Husain bant rahe the hayat maqtal mein Wohi kiya jo kaha tha Rasul-e-Akram ne Rakhi Husain ne Nana ki bat maqtal mein Bashukriya sozkhwan Hashim Mahmud Zaidi o Bashir Alvi

Jis ghari nahr pe khaime Shah-e-wala ke hue 1 Jis ghari nahr pe khaime Shah-e-wala ke hue Aur sitamgar muzahim-e-lab-e-darya ke hue Shah-e-barham ye jafakaron se farmaya ke hue Dushman-e-jan mere ghar se mujhe bulwaye hue Tum piyo pani, Muhammad ka nawasa mar jaye Tum hi munsif ho, jo mehman ho wo pyasa mar jaye 2 Main na aata tha, Madine se bulaya tum ne Rauza-e-Ahmad-e-Mursal ko chhuraya tum ne Koh-o-sahra bhi ye darya bhi dikhaya tum ne Haif hai tarik-e-duniya ko sataya tum ne Rukh idhar ko jo kiya main ne to munh morte ho Ek dagha-pesha ke wade pe mujhe chhorte ho 3 Shah se tab ba-durushti ye lainon ne kaha Muhlat ek shab ki bhala dene mein nuqsan tha kya Par hamein hukm hai darya se utha dene ka Jo ke farmayega hakim use layenge aja Jald saman karo khaimon ke uthwane ka Aap ka uzr koi pesh nahin jane ka