Basta — Page 163

4 Piri mein jo dikhlai jawanon ki shujaat Tharrane lage azw-e-badan ghat gayi taqat Dam charh gaya garmi se hui pyas ki shiddat Dil se kaha ab alam-e-fani se hai rukhsat Ne lashkar-e-aada ko na shamshir ko dekha Kis yas se mur kar rukh-e-Shabbir ko dekha 5 Sina chhida tiron se hua farq do para Rag rag jo gayi phir na raha zabt ka yara Shiraza-e-ajza-e-badan khul gaya sara Girte hue ghore se ye Hazrat ko pukara Yan aap ka aana meri bakhshish ki sanad hai Ay Sher-e-Ilahi ke pisar, waqt-e-madad hai 6 Nagah saf-e-chin pe aaye Shah-e-zishan Dekha ke wo mazlum koi dam hai mehman Lashe se lipat kar ye pukare ba-sad-afghan Ay dost mere teri muhabbat ke main qurban Dikhla do mujhe zakhm kahan khaye hain bhai Sine se lipat jao ke hum aaye hain bhai [Makhaz: Baqi jo rafiq-e-Shah-e-din reh gaye do char]

Haftum se ta dahum jo hua qafile ka hal 1 Haftum se ta dahum jo hua qafile ka hal Tahrir kar sake ye qalam ko nahin majal Rad ho gaya jo taat-e-batil ka tha sawal Anboh-e-ashqiya mein ghira tha Nabi ka lal Lekin sukun-e-qalb mein koi khalal na tha Lab khushk the jabin pe bal na tha 2 Zainab ke ladlon ne bhi jauhar dikha diye Do nichon ne lashon ke pushte laga diye Jo surma bane the wo ran se bhaga diye Duniya ko jan-nisari ke raste bata diye Kya jamte paon sail-e-mazalim ki mauj mein Aakhir shahid ho gaye dushman ki fauj mein 3 Zain-ul-Abid farsh-e-alalat pe be-qarar Koi ilaj aur na dawaon ka ikhtiyar Sukhe labon pe bas yahi aata tha bar bar Ay kash is jihad mein ho jate hum nisar Do gam uth ke chalne ke qabil nahin hain hum Dur sitam badalne ke qabil nahin hain hum