Basta — Page 162

4 Zanu pe sar hai aap ke Ya Shah-e-bahr-o-bar Mahbub-e-Kibriya hain idhar Sher-e-Haq idhar Hain kaun ye muazzama, pahlu mein nauhagar Shah ne kaha ke roti hain Amman barahna-sar Tu hashr tak Imam-e-do-alam ke sath hai Matam-e-Husain ke matam ke sath hai 5 Ye sun ke ghair ho gaya us dam jari ka hal Zanu-e-Shah-e-din pe kiya Hurr ne intiqal Khaime ke dar pe lash ko laya Ali ka lal Sab bibiyon ne khol diye apne sar ke bal Zainab yun roi Shah ke fidai ke waste Jaise bahen tarapti hai bhai ke waste [Makhaz: Jis dam suni Imam-e-Umam ne sada-e-Hurr]

Baqi jo rafiq-e-Shah-e-din reh gaye do char 1 Baqi jo rafiq-e-Shah-e-din reh gaye do char Hasrat se unhein dekhte the Syed-e-Abrar Ki barh ke Habib Ibn-e-Mazahir ne ye guftar Ay pir-e-ghulam ab hai ijazat ka talabgar Bande ko bhi marne ki raza dijiye Aqa Firdaus ke raste pe laga dijiye Aqa 2 Shabbir ne sine se lagaya kai bari Rukhsat jo kiya ankhon se ansu hue jari Ghabra ke dar-e-khaima se Zainab ye pukari Logo kaho maidan mein chali kis ki sawari Ab kaun bachayega Shah-e-jinn-o-bashar ko Sab chhore chale jate hain Zahra ke pisar ko 3 Ye sunte hi kohram hua Ahl-e-Haram mein Pahuncha wo jari sher sa maidan-e-sitam mein Kamil tha ze-bas ishq-e-Shahanshah-e-Umam mein Be-tab tha Maula ki judai ke alam mein Sina tha jari ka tabar-o-tir ki janib Phir phir ke nazar karta tha Shabbir ki janib [Iltimas Fatiha / hawala safha mein]