Basta — Page 165
View
Roman Urdu
Urdu text
Muslim ke lal jabke Shahid-e-jafa hue
1
Muslim ke lal jabke Shahid-e-jafa hue
Dasht-e-fana se rahi-e-mulk-e-baqa hue
Ghurbat mein wo yatim jo nazr-e-qaza hue
Zainab bhi roin, Shah bhi mahw-e-buka hue
Do tir-e-gham dilon pe yakayak jo chal gaye
Bahr-e-raza Ali ke nawase machal gaye
2
Betab ho ke aaye wo ghazi jo man ke pas
Zainab zaban se bolin ba-dard-o-yas
Kyun bad-hawas aaye ho chehre hain kyun udas
Kya dekh kar larai ko tari hua hiras
Ran se phir aaye kaun tumhare gharane mein
Nani ki dhak baithi hai sare zamane mein
3
Kya kya guzar gaye Shah-e-din par gham-o-mihan
Bichhre musafat mein rafiqan-e-be-watan
Nazr-e-khizan hua mere man-jaye ka chaman
Muslim ke lal mare gaye, lut gayi bahen
Kis kis shahid ke liye ansu bahaoge
Ab kis ki lash dekh ke marne ko jaoge
4
Ye zikr tha ke Shah khud aaye bahen ke pas
Baithin wo sar jhuka ke Shah-e-be-watan ke pas
Bachche bhi roye baith ke Shah-e-Zaman ke pas
Nazdik tha ke aayen kaleje dahan ke pas
Ashkon se yun dileron ne daman bhigoye the
Sibtain jis tarah gham-e-Zahra mein roye the
5
Kehte the Shah-e-tishna-dahan, kya kare Husain
Ay Bint-e-Shah-e-Qila-shikan, kya kare Husain
Lutta hai hasraton ka chaman, kya kare Husain
Lillah kuchh batao bahen, kya kare Husain
Puchho to kyun ye rote hain kyun haye haye hai
Roye unhein Husain, tumhari ye raye hai
6
Mujh se phir ye sari Khudai, main kya karun
Kyun kar lutaun teri kamai, main kya karun
Bolin nasib mein hai judai, main kya karun
Amman se qaul hari hun bhai, main kya karun
Lillah rad na kije hadiya faqir ka
Deti hun wasta main Janab-e-Amir ka
مسلمؑ کے لال جبکہ شہیدِ جفا ہوئے
۱
مسلمؑ کے لال جبکہ شہیدِ جفا ہوئے
دشتِ فنا سے راہیِ ملکِ بقا ہوئے
غربت میں وہ یتیم جو نذرِ قضا ہوئے
زینبؑ بھی روئیں، شاہؑ بھی محوِ بکا ہوئے
دو تیرِ غم دلوں پہ یکایک جو چل گئے
بہرِ رضا علیؑ کے نواسے مچل گئے
۲
بیتاب ہو کے آئے وہ غازی جو ماں کے پاس
زینبؑ زباں سے بولیں بہ درد و یاس
کیوں بدحواس آئے ہو چہرے ہیں کیوں اداس
کیا دیکھ کر لڑائی کو طاری ہوا ہراس
رن سے پھر آئے کون تمہارے گھرانے میں
نانی کی دھاک بیٹھی ہے سارے زمانے میں
۳
کیا کیا گزر گئے شہؑ دیں پر غم و محن
بچھڑے مسافت میں رفیقانِ بے وطن
نذرِ خزاں ہُوا مرے ماں جائے کا چمن
مسلمؑ کے لال مارے گئے، لُٹ گئی بہن
کس کس شہید کے لئے آنسو بہاؤں گے
اب کس کی لاش دیکھ کے مرنے کو جاؤ گے
۴
یہ ذکر تھا کہ شاہؑ خود آئے بہن کے پاس
بیٹھیں وہ سَر جُھکا کے شہِ بے وطن کے پاس
بچے بھی روئے بیٹھ کے شاہِ زمن کے پاس
نزدیک تھا کہ آئیں کلیجے دہن کے پاس
اشکوں سے یوں دلیروں نے دامن بھگوئے تھے
سبطینؑ جس طرح غمِ زہراؑ میں روئے تھے
۵
کہتے تھے شاہؑ تشنہ دہن، کیا کرے حسینؑ
اے بنتِ شاہِ قلعہ شکن، کیا کرے حسینؑ
لُٹتا ہے حسرتوں کا چمن، کیا کرے حسینؑ
للہ کچھ بتاؤ بہن، کیا کرے حسینؑ
پوچھو تو کیوں یہ روتے ہیں کیوں ہائے ہائے ہے
روئے انہیں حسینؑ، تمہاری یہ رائے ہے
۶
مجھ سے پھر یہ ساری خدائی، میں کیا کروں
کیونکر لٹاؤں تیری کمائی، میں کیا کروں
بولیں نصیب میں ہے جُدائی، میں کیا کروں
امّاں سے قول ہاری ہوں بھائی، میں کیا کروں
للہ رد نہ کیجے ہدیہ فقیر کا
دیتی ہوں واسطہ میں جنابِ امیرؑ کا