Basta — Page 166

7 Zahra ne kaha na roo bahen, shor o shain se Mera to chain bas hai tumhare hi chain se Duniya bhari hai Fatima ke nur-e-ain se Han lo kabhi tum chhuraogi kis Husain se tum jao lungi ye lal to sab jaan khoyin hue ye be khushi tumhari to un ko bhi Roin hue 8 Beti ne Fatima ki kiya shukr-e-Kirdigar Taslim kar ke Shah ko uthe donon gul-izar Zainab ne barh ke unhein sanware ba-sad waqar Bandhe amame, saf kiye chehron ka ghubar Janbazon ne kamar jo kasi jhum jhum ke Madar balayen lene lagi munh ko chum ke 9 Bolin ke jao, hashr bapa kar ke aaiye Shahzadon ke khun mein safein bhar ke aaiye Munh pher ke na sane madar ke aaiye Sher-e-shaqi ko mar ke, ya mar ke aaiye Bahra ho jaye lakh sipah-e-kasir ka Khanjar to barh ke chhin hi lena sharir ka 10 marne ke jao hue to sada dun lungi mein tumhein Kausar-e-Imam-e-din se bula dungi main tumhein do ro ke beton pe ye dua dun lungi mein tumhein bahr-e kafan khud apni rida dun lungi mein tumhein Ay dilbaran-e-Jafar-e-Tayyar alwida Bachche pukare Madar-e-ghamkhwar alwida [Makhaz: Muslim ke lal jabke Shahid-e-jafa hue / Nasim Amrohvi] Javed Manzar Karbala Haq o sadaqat ka sila deti hai Jo bhatakte hain unhein rah dikha deti hai Hum gunah o dar-e-aulad-e-Ali hain Manzar Ye gadai hamein har dukh ki dawa deti hai [Bashukriya sozkhwan o khatib Kashif Husain Zaidi o Athar Raza baradaran] Waqia-e-shan-e-imamat bar Ali ki shamshir Syed Arif Imam Waqia shan-e-imamat hai Ali ki shamshir Katib-e-sar-e-halakat hai Ali ki shamshir Qati-e-rag-e-jahalat hai Ali ki shamshir Bas adalat hi adalat hai Ali ki shamshir Nasab o naam ki jurat ko ye samjhati hai Khutbe mein is ki nazar dur talak jati hai