Kalam Archive
BastaContinuous readerIndex

Basta — Page 170

View
Original book page
Original scan of Basta page 170

Roman Urdu

Urdu text

4 Chillaye gardanon ke tale hath de ke Shah Munh se milao munh ke mera hal hai tabah Ankhon mein dam tha bolte kyun kar wo rashk-e-mah Rote the nabz dekh ke Abbas-e-Arsh-jah Duniya se koch karte the bachche pale hue Hathon mein the Husain ke manke dhale hue 5 Kuchh kuchh abhi tha dam ke unhein le chale Imam Ek lash ko to aap liye the Shah-e-Imam Aur ek lash, Hazrat-e-Abbas-e-nek-naam Khaima tha samne ke bizaat hui tamam Jite na pahunche haye ghazab khaima-gah mein Donon saghir mar gaye asna-e-rah mein 6 Chillaye ro ke Hazrat-e-Abbas-e-namwar Chhota tamam ho gaya Shah-e-bahr-o-bar Hazrat pukare hath pe kaleja pe mar kar Hai hai bara bhi mar gaya viran hua ye ghar Man muntazir hai chak-gareban kiye hue Kis munh se jaun khaime mein lashe liye hue [Makhaz: Zainab jo nange paon khari thi qarib-e-dar]
۴ چِلائے گردنوں کے تلے ہاتھ دے کے شاہؑ منہ سے ملاؤ منہ کہ مرا حال ہے تباہ آنکھوں میں دَم تھا بولتے کیوں کر وہ رشکِ ماہ روتے تھے نبض دیکھ کے عباسؑ عرش جاہ دنیا سے کوچ کرتے تھے بچے پلے ہوئے ہاتھوں میں تھے حسینؑ کے منکے ڈھلے ہوئے ۵ کچھ کچھ ابھی تھا دَم کہ انہیں لے چلے امامؑ اک لاش کو تو آپ لئے تھے شہِؑ امامؑ اور اک لاش، حضرتِ عباسِؑ نیک نام خیمہ تھا سامنے کہ بضاعت ہوئی تمام جیتے نہ پہنچے ہائے غضب خیمہ گاہ میں دونوں صغیر مر گئے اثنائے راہ میں ۶ چلائے رو کے حضرتِ عباسِؑ نامور چھوٹا تمام ہو گیا شاہِ بحر و بر حضرتؑ پکارے ہاتھ پہ کلیجہ پہ مار کر ہے ہے برا بھی مر گیا ویراں ہوا یہ گھر ماں منتظر ہے چاک گریباں کئے ہوئے کس منہ سے جاؤں خیمے میں لاشے لئے ہوئے [ماخذ: زینب جو ننگے پاؤں کھڑی تھی قریب در]
Rukhsat hua Husain se jab naujawan pisar 1 Rukhsat hua Husain se jab naujawan pisar Kuchh dur sath sath chale Shah-e-bahr-o-bar Tarik tha zamana kuchh aata na tha nazar Patti bandhi thi shafqat-e-fitri ki ankh par Har rukn ki thi fikr Shah-e-Mashriqain ko Ruh-e-Khalil dekh rahi thi Husain ko 2 Larta raha jawan pisar dekhte rahe Tanha pe sainkron ki nazar dekhte rahe Baran-e-tigh-o-tir-o-tabar dekhte rahe Dil tharthara raha tha magar dekhte rahe Akbar pe war parte the jab fauj-e-Sham ke Reh jate the Husain kaleje ko tham ke 3 Hasrat se ran mein jang pisar dekhte the Shah Zainab khari thin khaime ke dar par ba-ashk-o-aah Dil par the hath chehra-e-Shabbir par nigah Parhti thin ru-e-Shah mein ahwal-e-razm-gah Jab dekhti thin bhai ko khush, muskurati thin Parti thi jab jabin pe shikan, kanp jati thin
رخصت ہوا حسینؑ سے جب نوجوان پسر ۱ رخصت ہُوا حسینؑ سے جب نوجواں پسر کچھ دُور ساتھ ساتھ چلے شاہِ بحر و بَر تاریک تھا زمانہ کچھ آتا نہ تھا نظر پٹی بندھی تھی شفقتِ فطری کی آنکھ پَر ہر رکن کی تھی فکر شہِ مشرقینؑ کو روحِ خلیلؑ دیکھ رہی تھی حسینؑ کو ۲ لڑتا رہا جوان پسر دیکھتے رہے تنہا پہ سینکڑوں کی نظر دیکھتے رہے بارانِ تیغ و تیر و تبر دیکھتے رہے دل تھرتھرا رہا تھا مگر دیکھتے رہے اکبرؑ پہ وار پڑتے تھے جب فوجِ شام کے رہ جاتے تھے حسینؑ کلیجے کو تھام کے ۳ حسرت سے رن میں جنگ پسر دیکھتے تھے شاہؑ زینبؑ کھڑی تھیں خیمے کے دَر پَر بہ اشک و آہ دل پَر تھے ہاتھ چہرۂ شبیرؑ پر نگاہ پڑھتی تھیں روئے شاہِ میں احوالِ رزم گاہ جب دیکھتی تھیں بھائی کو خوش، مسکراتی تھیں پڑتی تھی جب جبیں پہ شکن، کانپ جاتی تھیں