Basta — Page 171

4 Hathon se dil ko tham ke ran ki taraf chalin Jate the larkharate udhar khud bhi Shah-e-din Dam torta tha ran mein jahan Akbar-e-hazin Zainab wahan Husain se pahle pahunch gayin Aaye nazar jo zakhm tan-e-pash-pash par Teora ke gir parin Ali Akbar ki lash par 5 Khaime mein lash aai to mahshar hua bapa Laila bas itna keh sakin Aqa ye kya hua Abid the ghash mein chaunk pare hosh mein aa gaya Dekhi jo lash ho gaye phir ghash mein mubtala Mur kar nazar mariz pe dali Husain ne Kuchh soch kar nigah chura li Husain ne 6 Shayad diyar-e-Sham ka manzar nazar mein tha Zakhmi gale ke tauq ka langar nazar mein tha Mazlum qaidiyon ka muqaddar nazar mein tha Be-asra bahen ka khula sar nazar mein tha Bazu pe rassiyon ki girah garti jati thi Koron ki sain sain ki awaz aati thi [Makhaz: Rukhsat hua Husain se jab naujawan pisar / Shaiq Naqvi]

Akbar ki lash jabke na pai Husain ne 1 Akbar ki lash jabke na pai Husain ne Thokar har ek gam pe khai Husain ne Gir gir zamin pe khak urai Husain ne Dil tham kar ye bat sunai Husain ne Ankhon se sujhta nahin mujhe dil makal ko Ay zalimo, dikha do Shabbir-e-Rasul ko 2 Kyun kar dikhaun tum ko jo dil ka hai mere hal Mehman ke ranj-o-gham ka tumhein chahiye khayal Bazu pakar ke le chalo jis ja hai mera lal Ghurbat pe meri rahm karo bahr-e-Zuljalal Muztar hun shakl us ki dikha do Husain ko Farzand-e-naujawan se mila do Husain ko 3 Ay fauj-e-zulm bato ke dilbar ko kya kiya Be-kas ko tishna-kam ke be-par ko kya kiya Ay zalimo, Shabbir-e-Payambar ko kya kiya Milta nahin pata, Ali Akbar ko kya kiya Rasta to bata do ke bhatka hun rah mein Kis ne gira diya mere Yusuf ko chah mein