Basta — Page 187

4 Samjhe ye sab ke bazu-e-Abbas kat gaye Syedaniyon ke tan se lahu aur ghat gaye Bachchon ke nanhe nanhe jigar gham se phat gaye Rang ur gaye alam se kaleje ulat gaye Har dil pe barq-e-ranj-o-yas gir pari Khaime ke dar par zauja-e-Abbas gir pari 5 Zainab se ro ke kehne lage Sarwar-e-Zaman Le kar nishan ko jaye kahan ab ye be-watan Ab to na fauj hai na Alamdar-e-saf-shikan Ghar lut gaya, alam ko barhao ab ay bahen Lo ye nishani-e-Sher-e-Zuljalal sambhalo Patka alam ka khol lo panja utar lo 6 Chhota ye Sheh se kehta tha ansu baha baha Baba hamare ghar mein kab aayenge ay chacha Aaya alam, phir un ke na aane ki wajah kya Chhote se ro ke sab baron ne bhai ne kaha Aqa ki mang aaj bhi sadme guzar gaye Beta tumhein khabar nahin, Baba to mar gaye

Shabbir jabke ran se chale su-e-khaima-gah 1 Shabbir jabke ran se chale su-e-khaima-gah Mashk-o-alam ko jhukaye hue ba-ashk-o-aah Dil tham kar kate hue bazu pe nigah Sar ta qadam Husain hain ek mustaqil karah Le kar tabarrukat-e-Alamdar-e-Karbala Su-e-khiyam jata hai Salar-e-Karbala 2 Girte sambhalte aa hi gaya khaima-e-Haram Wo ruk gaye Husain ke barhte hue qadam Zainab khari hai khaime ke dar par ba-chashm-e-nam Shabbir keh rahe hain bahen lut aaye hum Zainab hamara bhai hum se ho gaya Sher-e-Khuda ka sher tharai mein so gaya 3 Sar pit ke ye kehti thi Zainab-e-jigar-figar Abbas, mere sher kahan ho bahen nisar Tum ho hifazat-e-Haram-e-Shah ke zimmedar Bhaiya main kitni der se karti hun intizar Bachche ye keh rahe hain unhein jam-e-ab dun Bhaiya tum hi batao unhein kya jawab dun