Basta — Page 186

4 Girte hi khak par Ghazi ne kaha aao kani Al-madad lakht-e-dil-e-Uqda-kusha aao kani Al-madad ay pisar-e-Sher-e-Khuda aao kani Ho karam mujh pe ay Shah-e-Huda aao kani Khaliq-e-kul ka ye ehsan hua hai Aqa Ye ghulam aap pe qurban hua hai Aqa 5 Sun ke Abbas ki awaz chale Shah-e-Huda Rah mein dast-e-burida jo mile un ko liya Kabhi sine se lagaya kabhi un ko chuma Aaye Abbas ke nazdik Imam-e-do-sara Khak aur khun mein ghaltan nazar aaye Abbas Phir bhi mutlaq na pareshan nazar aaye Abbas 6 Shah-e-din baith gaye jalti hui reti par Apne zanu pe rakha pyar se Abbas ka sar Ankh se khinch ke ek tir ko bole Sarwar Bhai ko chhor ke tum bandhte ho rakht-e-safar Aaj pardes mein taqdir hamein lut gayi Zor-e-bazu ka ghata aur kamar tut gayi

Jab zanu-e-Husain pe Abbas mar gaye 1 Jab zanu-e-Husain pe Abbas mar gaye Sadme ghazab ke Sibt-e-Nabi par guzar gaye Khanjar-e-alam ke dil se jigar tak utar gaye Chillate the ke sher hamare kidhar gaye Wa hasrata ke be-kas-o-be-yar ho gaye Sar kaise piten hath to be-kar ho gaye 2 Akbar ne ro ke arz ye ki ay Shah-e-Zaman Rone se ab milenge na Hazrat ke bhai jaan Le chale ghar mein lash-e-Alamdar-e-naujawan Aisa na ho nikal paren khaime se hi bayan Darya pe nange sar kahin Bint-e-Ali na aaye Bachchon ko sath le ke Sakina chali na aaye 3 Chadar orh ke wan se Imam-e-Umam chale Farmaya lo Karim nigahban hum chale Akbar to aage le ke wo pur-khun alam chale Sar nange Syed-e-aali baham chale Jangal mein shor-e-nala-o-faryad-o-aah tha Hazrat ke pichhe asp-e-Alamdar-e-Shah tha