Basta — Page 192

7 Bazu chhida Husain ka, be-shir ka gala Ek aah bhar ke reh gaye Mazlum-e-Karbala Aqa tumhare pyas bujhane ko jate hain Bachchon pe to jahan mein sab hi rahm khate hain Kyun kar kahun ke un pe sitam hath uthayenge Masum jaan kar bhi na pani pilayenge [Makhaz: Reti par barchhi khaye para tha jo nur-e-ain / Taslim Amrohvi]

Gahware se Husain jo Asghar ko le chale 1 Gahware se Husain jo Asghar ko le chale Hathon pe rakh ke fidya-e-Dawar ko le chale Badal mein Sham ke mah-e-anwar ko le chale Chillai man kahan mere dilbar ko le chale Farigh abhi nahin hui Akbar ke dagh se Kuchh roshni hai ghar mein mere is chiragh se 2 Bano ke is bayan se ghabraye Shah-e-din Aakhir qarib-e-fauj ke le aaye Shah-e-din Bachche ko hath par pe chillaye Shah-e-din Yaro samajh lo jo tumhein samjhaye Shah-e-din Kuchh to khayal chahiye nanhi si jaan ka Batao kya qasur hai is be-zaban ka 3 Ye sun ke Hurmala ne uthaya kaman ko Tanka khata-shiar ne nanhi si jaan ko Mara khadang-e-Shah ke abru-kaman ko Hai hai mitaya Bano ke nam-o-nishan ko Chillai maut haye na tujh ko aman di Bachche ne saham ke hathon pe jaan di [Is safhe par isal-e-sawab o idara-jati matn bhi darj hai]