Basta — page 198 | Kalam Archive

View

Text sizeLine spacing

Original scan of Basta page 198 — Original book page

Roman Urdu

Urdu text

Likha hai jab shab-e-Ashur guzri ek pahar 1 Likha hai jab shab-e-Ashur guzri ek pahar Husain aaye su-e-khaima-e-Ali Akbar Shigaf-e-dar se ye dekha ke wo mah-e-anwar Furugh-e-husn se dulha bana hai bistar par Ajib yas se man bar bar dekhti hai Utha ke shama, rukh-e-gul-izar dekhti hai 2 Ye dekhte hi kaleje pe tir-e-gham khaye Khuda ye saniha dushman ko bhi na dikhlaye Wahan se khaima-e-Abbas ki taraf aaye Jari ki chah pe fart-e-alam se chillaye Kabhi Husain ke sadme se aah bharte hain Kabhi husam ko saiqal se saf karte hain 3 Jari ke samne Kulsum jaan khoti hain Kisi khayal mein ashkon se munh dhoti hain Rida ko ansuon se dam-ba-dam bhigoti hain Qarib baithi hui zar zar roti hain Wo ranj-o-gham hai ke halat tabah karti hain Falak ko dekh ke har bar aah karti hain 4 Wo keh rahe hain ke khwahar na yun buka kije Huzur apni taraf se mujhe fida kije Nasib ka na falak se koi gila kije Pisar samajh ke mujhe sheh ka haq ada kije Mutiy-e-Sibt-e-Rasul-e-Anam hai Abbas Har ek aziz ka un ke ghulam hai Abbas 5 Behen ki shan pe ro kar nishan-e-abr-e-bahar Husain wan se chale su-e-khaima-e-bimar Qarib ja ke pukare ke ay mere dildar Rasul-e-Pak ki masnad ke malik-o-mukhtar Utho ke meri shahadat qarib aapohnchi Gala katane ki saa'at qarib aapohnchi 6 Wo ro ke bole kamar se hai ye kya Baba Hamari zist mein Hazrat ye jafa Baba Mariz kyun na ho qurban, main fida Baba Qarib-e-marg hun, marne se khauf kya Baba Husain bole kahin wo bhi ran pe charhta hai Jo gul isharon se paanchon namaazein parhta hai

لکھا ہے جب شبِ عاشور گزری ایک پہر ۱ لکھا ہے جب شبِ عاشور گزری ایک پہر حسینؑ آئے سُوئے خیمۂ علی اکبرؑ شگافِ دَر سے یہ دیکھا کہ وہ مہِ انور فروغِ حسن سے دولہا بنا ہے بستر پَر عجیب یاس سے ماں بار بار دیکھتی ہے اُٹھا کے شمع، رُخِ گلعذار دیکھتی ہے ۲ یہ دیکھتے ہی کلیجے پہ تیرِ غم کھائے خدا یہ سانحہ دشمن کو بھی نہ دکھلائے وہاں سے خیمۂ عباسؑ کی طرف آئے جری کی چاہ پہ فرطِ الم سے چلائے کبھی حسینؑ کے صدمے سے آہ بھرتے ہیں کبھی حسام کو صیقل سے صاف کرتے ہیں ۳ جری کے سامنے کلثومؑ جاں کھوتی ہیں کسی خیال میں اشکوں سے منہ دھوتی ہیں ردا کو آنسوؤں سے دَم بہ دَم بھگوتی ہیں قریب بیٹھی ہوئی زار زار روتی ہیں وہ رنج و غم ہے کہ حالت تباہ کرتی ہیں فلک کو دیکھ کے ہر بار آہ کرتی ہیں ۴ وہ کہہ رہے ہیں کہ خواہر نہ یوں بکا کیجے حضورِ اپنی طرف سے مجھے فدا کیجے نصیب کا نہ فلک سے کوئی گِلہ کیجے پسر سمجھ کے مجھے شہ كا حق ادا کیجے مطیعِ سبطِ رسولِؐ انام ہے عباسؑ ہر اک عزیز کا اُن کے غلام ہے عباسؑ ۵ بہن کی شان پہ رو کر نشانِ ابرِ بہار حسینؑ واں سے چلے سوئے خیمۂ بیمار قریب جا کے پکارے کہ اے مرے دلدار رسولِ پاک کی مسند کے مالک و مختار اُٹھو کے میری شہادت قریب آپہنچی گَلا کتنے کی ساعت قریب آپہنچی ۶ وہ رو کے بولے کمر سے ہے یہ کیا بابا ہماری زیست میں حضرت یہ جفا بابا مريض کیوں نہ ہو قربان، میں فدا بابا قریبِ مرگ ہوں، مرنے سے خوف کیا بابا حسین بولے کہیں وو بھی رَن پہ چڑھتا ہے جو گل اشاروں سے پانچوں نمازیں پڑھتا ہے