Basta — Page 197

4 Ye keh rahe hain ke nusrat mein jad-o-kad karna Main wari pairawi-e-Zaigham-e-Samad karna Kari uthaye akhi ki bala ko rad karna Bahaduro, mere man-jaye ki madad karna Wo kya ghulam jise ulfat-e-Imam nahin Jo ran mein kam na aaye to man se kam nahin 5 Jo kam aaoge tum to duaen main dungi Jo phir ke aaye to surat bhi na dekhungi Tamam umr kabhi tum se main na bolungi Qasam se kehti hun hargiz na dudh bakhshungi Main shad hungi jo barbad kar ke aaoge Jo man ko chahne ho tum to mar ke aaoge 6 Bahen ki chah pe ro kar barhe Shah-e-zi-jah Ye dar se piyadah Shabbir ka hal dekha aah Ke donon pahluon mein hain Hasan ke nur-e-nigah Idhar hain Qasim-e-Muzaffar, udhar hain Abdullah Ye keh rahi hain ke Sheh ghar gaye hain afat mein Main wari jaan larana chacha ki nusrat mein 7 Main sadqe tum pe, bara Haq-e-Shah-e-wala hai Hasan ke baad unhi ne to ghar sambhala hai Kabhi na mujh ko na tum ko alam mein dala hai Pidar ki tarah bari shafqaton se pala hai Chacha ke paon pe donon ka khun beh jaye Ilahi kal Zainab zinda ki bat reh jaye [Makhaz: Kutub mein hai shab-e-Ashur ka ye hal likha / Nasim Amrohvi]