Basta — Page 202

4 Madd-e-nazar hai tum ko agar qatl hi mera Sun lo ye ek wasiyat-e-aakhir meri zara Bachchon pe rahm kijiyo ay qaum-e-be-haya Zahra se kam nahin meri bahnon ka martaba Marne ke baad mujh pe ye ehsan kijiyo Zainab ke sar se balwe mein chadar na lijiyo 5 Is aan mein hue Shah-e-be-kas pe itne war Jitne bache the tir badan se ho gaye wo par Tarpe zamin pe gir ke Imam-e-falak-waqar Faryad Fatima se bara Arsh-e-Kirdigar Tarpa zamin pe jism-e-Shah-e-Mashriqain ka Ghul tha ke jald kat lo ab sar Husain ka 6 Nagah pakar ke tigh barha Shimr bad-shiar Quran par shaqi ne rakha paye nabakar Sar nange ghar se nikli Sakina jigar-figar Dekhi gale pe bap ke jis dam chhuri ki dhar Chillati thi are Shah-e-wala ko chhor de Sar mera kat le, mere Baba ko chhor de 7 Har chand peetti rahi naadaan basad adab Faryad ko yatim ki sunta tha par wo kab Khanjar gale pe rakh diya Hazrat ke be-ghazab Sukhi zaban dikha ke kaha Shah ne ye tab Zalim, Sakina khaime mein jaye to zabh kar Pani zara sa mujh ko pila le to zabh kar 8 Hazrat to pani pani pukara kiye idhar Kanta kiya gale ko idhar Shimr bad-guhar Dauri nikal ke khaime se Zainab barahna sar Chalti thi do qadam kabhi girti thi khak par Kehti thi aao kis se main ab iltija karun Lashkar hai gher mera are logo main kya karun Abbas ko Husain jo darya pe ro chuke