Basta — Page 203
View
Roman Urdu
Urdu text
Jab ran mein Sibt-e-Ahmad-e-Mukhtar ghir gaya
1
Jab ran mein Sibt-e-Ahmad-e-Mukhtar ghir gaya
Syed, gharib-o-be-kas-o-be-yar ghir gaya
Ahl-e-Haram ka qafila-salar ghir gaya
Lashkar tamam ho gaya sardar ghir gaya
Ghul tha aman do na Shah-e-Mashriqain ko
Nokon se barchhiyon ki gira do Husain ko
2
Jis waqt tha ye hashr ye shor-o-shar tha
Aa pahuncha ek musafir-e-ghurbat-zada idhar
Nikla tha ghar se shauq-e-Najaf mein wo khush-sair
Chhore hue watan use guzra tha sal bhar
Be-khanuman ko ishq Khuda ke Wali ka tha
Mushtaq wo ziyarat-e-qabr-e-Ali ka tha
3
Pahuncha jo Karbala mein to dekha ye us ne hal
Tanha khara hai ek musafir lahu mein lal
Faujen sitam ki gird hain amada-e-qital
Chalte hain tir, pani ka karta hai jab sawal
Az-bas ke Ahl-e-Dard tha betab ho gaya
Pani ke mangne par jigar aab ho gaya
4
Kehne laga ke wo zi-qadr-o-nek-naam
Allah kis qadar hai pur-ashob ye maqam
Darya Khuda ne khalq ke bahr-e-faiz-e-aam
Marta hai be-ajal ye sitam-kash ye tishna-kam
In se bashar dare jinhein khauf-e-Khuda nahin
Jaldi nikal chalo ye thehrne ki ja nahin
5
Do char gam chal ke ye socha wo namwar
Mazlum ki dua hai har ek tarah ka asar
Wallah barguzida-e-Haq hai ye khush-sair
Kar lijiye iltimas-e-dua hath bandh kar
Tighon mein us ke pas chalo jo Khuda kare
Asan hon mushkilen jo ye be-kas dua kare
6
Aaya jo kan pata hua wo Shah-e-din ke pas
Ki arz Assalam Alaik ay falak-asas
Maula jawab dijiye ye bole pur-dard-o-yas
Aata hua kidhar se tera ay Khuda-shinas
Arz us ne ki ghulam-e-Shah-e-Zulfiqar hun
Be-kas hun be-nawa hun gharib-ud-diyar hun
جب رن میں سبط احمد مختار گھِر گیا
۱
جب رن میں سبطِ احمدِ مختار گھر گیا
سیّد، غریب و بے کس و بے یار گھر گیا
اہلِ حرم کا قافلہ سالار گھر گیا
لشکر تمام ہو گیا سردار گھر گیا
غل تھا امان دو نہ شہِ مشرقینؑ کو
نوکوں سے برچھیوں کی گرادو حسینؑ کو
۲
جس وقت تھا یہ حشر یہ شور و شر تھا
آ پہنچا اک مسافرِ غربت زدہ اِدھر
نکلا تھا گھر سے شوقِ نجف میں وہ خوش سیر
چھوڑے ہوئے وطن اُسے گزرا تھا سال بھر
بے خانماں کو عشق، خدا کے ولی کا تھا
مشتاق وہ زیارتِ قبرِ علیؑ کا تھا
۳
پہنچا جو کربلا میں تو دیکھا یہ اُس نے حال
تنہا کھڑا ہے اک مسافر لہو میں لال
فوجیں ستم کی گرد ہیں آمادہِقتال
چلتے ہیں تیر ， پانی کا کرتا ہے جب سوال
از بس کہ اہلِ درد تھا بیتاب ہو گیا
پانی کے مانگنے پَر جگر آب ہو گیا
۴
کہنے لگا کہ وہ ذی قدر و نیک نام
اللہ کس قدر ہے پُر آشوب یہ مقام
دریا خدا نے خلق کے بہرِ فیضِ عام
مرتا ہے بےاجل یہ ستم کش یہ تشنہ کام
اِن سے بشر ڈرے جنہیں خوفِ خدا نہیں
جلدی نکل چلو یہ ٹھہرنے کی جا نہیں
۵
دو چار گام چل کے یہ سوچا وہ نامور
مظلوم کی دُعا ہے ہر اک طرح کا اثر
واللہ برگزیدہِ حق ہے یہ خوش سیر
کر لیجئے التماس دُعا ہاتھ باندھ کر
تیغوں میں اُس کے پاس چلو جو خدا کرے
آساں ہوں مشکلیں جو یہ بے کس دُعا کرے
۶
آیا جو کان پاتا ہوا وہ شاہِ دیں کے پاس
کی عرض السلام علیک اے فلک اساس
مولا جواب دیجیے یہ بولے پُر درد و یاس
آتا ہوا کدھر سے ترا اے خدا شناس
عرض اس نے کی غلامِ شہِ ذوالفقار ہوں
بے کس ہوں بے نوا ہوں غریب الدیار ہوں