Basta — page 207 | Kalam Archive

View

Text sizeLine spacing

Original scan of Basta page 207 — Original book page

Roman Urdu

Urdu text

Jab Mariya ke dasht mein warid hua Zafar 1 Jab Mariya ke dasht mein warid hua Zafar Maidan mein akele the khare Sibt-e-Payambar Sar ta ba qadam khun mein aluda the Sarwar Aur reg-e-biyaban thi bhari zakhmon ke andar Is pyas mein munh ansuon se dhote the Maula Ek chhoti si turbat pe khare rote the Maula 2 The lash-e-pisar par abhi girya-kunan Shah-e-Abrar Jo Zafar jinn samne se aa gaya yakbar Shah ne kaha ay shakhs khabardar, khabardar Be-sar pare yan mere sab yawar-o-ansar Ye phul hain sab bagh-e-Shah-e-jinn-o-bashar ke Lashe nahin tukre hain ye Zahra ke jigar ke 3 Ye un ke hain lashe jo the mazlum ke yawar Ye un ke hain lashe jo pyase hue be-sar Tukre hue tighon se yahan Qasim-e-muztar Ay shakhs yahan dafn hue hain Ali Asghar Zainab ke yahan god ke pale ka lasha hai Is ja pe mere gesuon wale ka lasha hai 4 Shah ne kaha tu kaun hai, kya hai tera naam Yan kis liye aaya hai, matlab hai tera kya Har chand ke be-kas hun, main zakhmi hun sarapa Lekin mujhe majbur tu hargiz na samajhna Sab mar gaye is par nahin nachar abhi hun Be-kas hun magar kul ka madadgar abhi hun 5 Ki arz ye Zafar ne ke ay Syed-e-wala Tera to madadgar hai wo Khaliq-e-Yakta Tu kul ka madadgar hai parwa se tujhe kya Par kijiye manzur meri arz ay Aqa Lute na koi Aal-e-Rasul-e-Arabi ko Khaime ki nigahbani ka do izn bhi mujh ko 6 Ye bat jo Shabbir ko Zafar ne sunai Rone lage wo ba-dida-e-giryan-o-bukai Yaad aa gayi namus ki us waqt tabahi Kehne laga Zafar se wo Khaliq ka fidai Muhtaj-e-Haram honge ek ek rida ke Sadat ki izzat hai bas ab aage Khuda ke

جب ماریہ کے دشت میں وارد ہوا وہ لشکر ۱ جب ماریہ کے دشت میں وارد ہُوا زعفر میداں میں اکیلے تھے کھڑے سبطِ پیمبرؐ سَر تا بہ قدم خُوں میں آلودہ تھے سرورؑ اور ریگِ بیاباں تھی بھری زخموں کے اندر اِس پیاس میں منہ آنسوؤں سے دھوتے تھے مولا اک چھوٹی سی تربت پہ کھڑے روتے تھے مولا ۲ تھے لاشِ پسر پَر ابھی گریہ کناں شہِ ابرار جو زعفرؑ جن سامنے سے آ گیا یکبار شہؑ نے کہا اے شخص خبردار ， خبردار بے سَر پڑے یاں مرے سب یاور و انصار یہ پھول ہیں سب باغِ شہِ جن و بشر کے لاشے نہیں ٹکڑے ہیں یہ زہراؑ کے جگر کے ۳ یہ اُن کے ہیں لاشے جو تھے مظلوم کے یاور یہ اُن کے ہیں لاشے جو پیاسے ہوئے بے سَر ٹکڑے ہوئے تیغوں سے یہاں قاسمِمضطر اے شخص یہاں دفن ہوئے ہیں علی اصغرؑ زینبؑ کے یہاں گود کے پالے کا لاشہ ہے اس جا پہ مرے گیسوؤں والے کا لاشہ ہے ۴ شہؑ نے کہا تو کون ہے ， کیا ہے تیرا نام یاں کس لئے آیا ہے ， مطلب ہے ترا کیا ہر چند کہ بے کس ہوں ， میں زخمی ہوں سراپا لیکن مجھے مجبور تُو ہرگز نہ سمجھنا سب مر گئے اِس پَر نہیں ناچار ابھی ہوں بیکس ہوں مگر گل کا مددگار ابھی ہوں ۵ کی عرض یہ زعفر نے کہ اے سیدِ والا تیرا تو مددگار ہے وہ خالقِ یکتا تو کل کا مددگار ہے پروا سے تجھے کیا پر کیجئے منظور مری عرض اے آقا لوٹے نہ کوئی آلِ رسولِ عربی کو خیمے کی نگہبانی کا دو اذن بھی مجھ کو ۶ یہ بات جو شبیرؑ کو زعفر نے سنائی رونے لگے وہ بادیدۂ گریاں و بکائی یاد آگئی ناموس کی اس وقت تباہی کہنے لگا زعفر سے وہ خالق کا فدائی محتاجِ حرم ہوں گے اک ایک ردا کے سادات کی عزت ہے بس اب آگے خدا کے