Basta — Page 206

Jab aakhri salam ko khaime mein aaye Shah 1 Jab aakhri salam ko khaime mein aaye Shah Rukhsat kiya har ek ko ba-halat-e-tabah Kubra par aur Sakina par hasrat se ki nigah Farmaya sabr de tumhein Khallaq-e-mehr-o-mah De kar dilasa aaye jo Sajjad ke qarin Dekha para hai ghash mein wo Bano ka mah-jabin 2 Bazu hila ke bole Shahanshah-e-namdar Ghaflat ka waqt ye nahin utho pidar-nisar Zainab ki aur Bano ki chadar se ho hoshiyar Ghabra ke uthe Syed-e-Sajjad ek bar Dekha zamana hota hai khali Husain se Bibiyon mein hashr barpa hai Zainab ke bain se 3 Puchha pidar se aaye hain tanha Shah-e-Umam Na saya-e-alam hai na Abbas-e-zi-hasham Kis hadise mein ho gayi Maula ki pusht kham Chehre pe khun kaisa hai aur chashm kyun hai nam Qasim kahan hain Akbar-e-zishan kya hue Shah ne kaha ke sab rah-e-Haq mein fida hue 4 Ummat ne Nana jaan-e-jan barbad kar diya Tanha pidar hai halq aur khanjar-e-jafa Kuchh der baad khaime jalayenge ashqiya Chhinenge sar se Zainab-o-Kulsum ki rida Ab tum Imam-e-Asr ho himmat se kam lo Tufan ki zad mein Aal-e-Nabi ki kashti hai tham lo 5 Maula ke is bayan pe mahshar bapa hua Ahl-e-Haram mein rone ka ek ghulghula utha Dauri Sakina aan ke daman pakar liya Boli na ran ko jao Payambar ka wasta Qurban jaun kis ke main sine pe soungi Baba jo tum na hoge to raton ko roungi 6 Munh chum kar Husain ne godi mein le liya Daman se ashk ponchh ke bole Shah-e-Huda Bhai ka saya sar pe tumhare rakhe Khuda Man bap kis ke zinda rahe hain yahan sada Sab ko fana hai shak nahin haq ke kalam mein Bibi ko lene aayenge hum qaid-e-Sham mein Jab aakhri salam ko khaime mein aaye Shah