Basta — Page 213

7 Ye keh ke pyari beti se, dekha idhar udhar Puchha kidhar hain bazu-e-nashad-o-nauhagar Fizza ne arz ki ke udhar baithi hain sar Rukhsat ki bhi Huzur ki un ko nahin khabar Lab par ghari ghari Ali Akbar ka naam hai Chaliye zara ke kam ab un ka tamam hai 8 Sun kar sada Husain ki chaunki wo nauhagar Ki arz sar jhuka ke qadam par ba-chashm-e-tar Tanha Huzur aaye hain bandhe hue kamar Sahib kahan hai maqtul wala mera pisar Aisa nahin jo dukh mein juda houn bap se Apne murad wale ko lungi main aap se 9 Ay jaan-e-Fatima mera pyara kidhar gaya Aqan ki zindagi ka sahara kidhar gaya Wo tin din ki pyas ka mara kidhar gaya Syedaniyon ki ankh ka tara kidhar gaya Baten ye sun ke kehne lage Shah-e-bahr-o-bar Ya Rab juda na ho kisi man se jawan pisar Jab khatima ba-khair hua fauj-e-Shah ka

Jis dam nagin-e-khatam-e-Payambaran gira 1 Jis dam nagin-e-khatam-e-Payambaran gira Raunaq uthi zamin se Imam-e-Zaman gira Girne par sab guruh liye barchhiyan gira Hai hai in jafaon par ye bhi asman gira Zahra se puchhiye ye qalaq-e-nur-e-ain ka Tapna zamin ka aur tarapna Husain ka 2 Zainab ka wo tarapna wo ghabrana yas ka Wo thartharana dil ka wo urna hawas ka Kehna bilak bilak ke ye kalima hiras ka Ay Shimr, wasta Ali Asghar ki pyas ka Lillah tin roz ke pyase ko chhor de Sadqa Nabi ka un ke nawase ko chhor de 3 Tham ja Khuda ko man, Habib-e-Khuda ko man Zahra ko man, Hazrat-e-Mushkil-kusha ko man Saugand faqr-o-faqa-e-Aal-e-Aba ko man Apni Risalat-zadi ki iltija ko man Sare buzurg mar gaye mujh bad-nasib ke Mera koi nahin hai siwa is gharib ke