Kalam Archive
BastaContinuous readerIndex

Basta — Page 214

View
Original book page
Original scan of Basta page 214

Roman Urdu

Urdu text

4 Ay Shimr main gale se laga lun to zabh kar Bhai se mil ke khaime mein ja lun to zabh kar Kuchh dard apne dil ka suna lun to zabh kar Syed ko qibla-ru main lita lun to zabh kar Pani to bhuke pyase ko ay bad-khisa dal de Hai waqt-e-zabh ankhon pe kapra to dal de 5 Ay Shimr tujh ko Khaliq-e-Akbar ka wasta Ay Shimr tujh ko Ruh-e-Payambar ka wasta Ay Shimr tujh ko Haider-e-Safdar ka wasta Ay Shimr tujh ko nanhe se Asghar ka wasta Lillah na zabh Shah-e-Mashriqain ko Main bhik mangti hun mujhe de Husain ko 6 Ye kehte kehte sust hui dam ukhar gaya Sar pitti ye reh gayi sar-e-Shah ka kat gaya Yun lash par giri ke jigar sab ka phat gaya Banhen gale mein dal ke lashe lipat gaya Man ki tarah thi ashiq-e-Shah-e-Zaman bahen Ye bhai bhai kehti thi lashe pe bahen 7 Ye din wo hai ke qatl hue Sarwar-e-Zaman Balwe mein be-rida hui sheron ki bahen Duba lahu mein aaj Sakina ka pairahan Shahzadiyan ke shane mein bandhi gayi rasan Ye din hai rukhsat-e-Shah-e-Aali-maqam ka Matam karo Husain alaihissalam ka 8 Madfun hue na Shah-e-Zaman, wa musibata Mumkin hua na ghusl-o-kafan, wa musibata Bhai ko ro saki na bahen, wa musibata Kaise uthaye ranj-o-mihan, wa musibata Gham aaj tak hai khalq mein taza Husain ka Utha na Karbala mein janaza Husain ka Jis dam nagin-e-khatam-e-Payambaran gira
۴ اے شمر میں گلے سے لگا لوں تو ذبح کر بھائی سے مل کے خیمے میں جا لوں تو ذبح کر کچھ درد اپنے دل کا سنا لوں تو ذبح کر سیّد کو قبلہ رو میں لٹا لوں تو ذبح کر پانی تو بھوکے پیاسے کو اے بد خصا ڈال دے ہے وقتِ ذبح آنکھوں پہ کپڑا تو ڈال دے ۵ اے شمر تجھ کو خالقِ اکبر کا واسطہ اے شمر تجھ کو روحِ پیمبرؐ کا واسطہ اے شمر تجھ کو حیدرِ صفدرؑ کا واسطہ اے شمر تجھ کو ننھے سے اصغرؑ کا واسطہ للّٰہ نہ ذبح شہِ مشرقین کو میں بھیک مانگتی ہوں مجھے دے حسینؑ کو ۶ یہ کہتے کہتے سست ہوئی دم اکھڑ گیا سر پیٹتی یہ رہ گئی سرِ شہ کا کٹ گیا یوں لاش پر گری کہ جگر سب کا پھٹ گیا بانہیں گلے میں ڈال کے لاشے لپٹ گیا ماں کی طرح تھی عاشقِ شاہِ زمن بہن یہ بھائی بھائی کہتی تھی لاشے پہ بہن ۷ یہ دن وہ ہے کہ قتل ہوئے سرورِ زمن بلوے میں بے ردا ہوئی شیروں کی بہن ڈوبا لہو میں آج سکینہؑ کا پیرہن شہزادیاں کے شانے میں باندھی گئی رسن یہ دن ہے رخصتِ شہِ عالی مقام کا ماتم کرو حسینؑ علیہ السلام کا ۸ مدفون ہوئے نہ شاہِ زمن، وا مصیبتا ممکن ہوا نہ غسل و کفن، وا مصیبتا بھائی کو رو سکی نہ بہن، وا مصیبتا کیسے اٹھائے رنج و محن، وا مصیبتا غم آج تک ہے خلق میں تازہ حسینؑ کا اٹھا نہ کربلا میں جنازہ حسینؑ کا جس دم نگیں خاتم پیغمبراں گرا