Basta — Page 220

Jab rukhsat-e-Husain ka hangam aa gaya 1 Jab rukhsat-e-Husain ka hangam aa gaya Aaye zamin par ghore se sajde mein sar jhuka Qatil wo astin charha ke hua barha Balin par Ruh-e-Sayyida ne sar patak diya Khanjar phira to man ka kaleja ulat gaya Zahra ki god mein sar-e-Shabbir kat gaya 2 Quran ke muhafiz-o-yawar chale gaye Abbas-o-Qasim-o-Ali Akbar chale gaye Had hai ke chhe mahine ke Asghar chale gaye Ab kya raha ke Sibt-e-Payambar chale gaye Lashein pari hain ganj-e-shahidan ki khak mein Quran bikhar gaya hai bibiyan khak mein 3 Wo janib-e-khiyam barhi fauj-e-ashqiya Sar khole sath sath chali Bint-e-Mustafa Lutne lage khiyam, saron se chhini rida Khaime se niklin Zainab-e-muztar barahna pa Aghosh mein chhupa ke Khuda ke kalam ko Bazu pakar ke le chalin bimar Imam ko 4 Zainab chali thi khaime se jab ho ke be-rida Beti ko tak rahi thin bare dukh se sayyeda Ek bar su-e-alam-e-arwah rukh kiya Dekha ke dekhte hain idhar hi Muhammad-e-Mustafa Roke tha jin ko zabt wo sote ubal pare Dekha pidar ko aankh se aansu nikal pare 5 Farmaya ro ke dekhte hain aap Ya Nabi Ummat ne jo Huzur ki izzat ki qadardani Baba sila tha kya meri khidmat ka yahi Baba mera Husain, meri kokh ujar gayi Dekha pidar ko ankh se ansu nikal pare Baba chhuri se kata gaya sar Husain ka 6 Baba adu mariz ka bistar bhi le gaye Khaime se gahwara-e-Asghar bhi le gaye Zalim yatim bachchon ke gauhar bhi le gaye Zainab ke sar se chhin ke chadar bhi le gaye Jaye kahan ke aag lagi hai khiyam mein Sar nange meri beti gayi hai balwa-e-aam mein